Pagtangtang sa mga posters gimando ni mayor Ouano

Gimando ni Mandaue City Mayor Thadeo Jovito "Jonkie" Ouano ang pagtangtang sa mga posters ug uban pang materyales nga gipahimutang sa mga pampublikong lugar isip kabahin sa iyang unang lakang aron limpiyohan ang siyudad ug mapanindot ang hitsura niini.

- 

Suma pa ni Ouano nga kini usa sa iyang mga unang direktiba isip bag-ong namuno sa local nga kagamhanan sa siyudad sa Mandaue.

"Nakit-an man gud nako sa sige nato og suroy-suroy daghan kaayo og mga tarpaulin gani," segun ni Ouano.

Gipahibalo sa mayor nga tangtangon ang tanan nga materyales bisan pa og gikan kini sa iyang mga kaalyado sa miaging eleksyon.

Si mayor Ouano mimando usab nga limpiyohan ang mga dalan gikan sa mga posters sa lain-laing pribadong kompanya nga dugay na nga giplastar sa mga pampublikong lugar.