మహిళా సాధికారతే తెలంగాణ అభివృద్ధికి బలమైన పునాది

ఇంద్రమ్మ ఇళ్లలో మహిళలకే యాజమాన్య హక్కు... ఆత్మగౌరవాన్ని పెంపొందించే ప్రభుత్వ నిర్ణయం

- 

• ఆర్థికంగా బలపడిన మహిళతోనే కుటుంబం.. సమాజం.. రాష్ట్రం ప్రగతి సాధిస్తుంది: మంత్రి సీతక్క

• మహిళా సంఘాలకు రూ.61 వేల కోట్ల వడ్డీ లేని రుణాలు అందించిన ఘనత రేవంత్ ప్రభుత్వానిదే

• స్వయం ఉపాధి, నైపుణ్యాభివృద్ధి, ఉపాధి అవకాశాలతో మహిళలను ఆర్థికంగా బలోపేతం చేస్తున్నాం

• ఆలేరులో రూ.50 లక్షలతో నిర్మించిన దుర్గాబాయి మహిళా శిశు వికాస కేంద్రం భవనాన్ని ప్రారంభించిన మంత్రి సీతక్క

ఆలేరు, జూన్ 20 (ఆదాబ్ హైదరాబాద్): మహిళలు ఆర్థికంగా, సామాజికంగా, విద్యాపరంగా అభివృద్ధి చెందితేనే రాష్ట్రం అన్ని రంగాల్లో ప్రగతి సాధిస్తుందని రాష్ట్ర పంచాయతీరాజ్, గ్రామీణాభి వృద్ధి, మహిళా శిశు సంక్షేమ శాఖ మంత్రి దనసరి అనసూయ (సీతక్క) అన్నారు. మహిళా సాధికారత ను కేవలం నినాదంగా కాకుండా ప్రభుత్వ విధానం గా అమలు చేస్తున్నామని, ప్రతి మహిళ ఆత్మ గౌరవంతో జీవించేలా సంక్షేమ, అభివృద్ధి కార్య క్రమాలను రాష్ట్ర ప్రభుత్వం విస్తృతంగా అమలు చేస్తోందని పేర్కొన్నారు.

శనివారం ఆలేరు పట్టణంలో ఘనంగా నిర్వహించిన మహిళా సంఘాల సమావేశంలో మంత్రి సీతక్క పాల్గొన్నారు. ఈ సందర్భంగా రూ.50 లక్షల వ్యయంతో నిర్మించిన దుర్గాబాయి మహిళా శిశు వికాస కేంద్రం, జెండర్ రిసోర్స్ సెంటర్, సీఎంటీసీ భవనాన్ని ప్రారంభించారు.