నల్లగొండలో ఎయిడెడ్ స్కూళ్ళ దందా..

• ఒకే పాఠశాల ప్రాంగణంలో పలు సొసైటీలతో దందా.. • పాఠశాలకు ఎయిడెడ్ ఉందో.. లేదో.? డీఈఓకు తెలియని దుస్థితి!

- 

నాగార్జునసాగర్లో సెయింట్ జోసెఫ్ స్కూల్ మాయాజాలం..!

• అక్రమంగా ప్రభుత్వ భూమిలో పాఠశాల భవన నిర్మాణాలు 

• నిబంధనలకు పాతరేసి.. మిడ్ డే మీల్స్ పథకంలో లక్షలు కాజేసిన వైనం

• పైభ, సెంట్ జోసెఫ్ కాన్వెంట్, జీసస్ మేరి జోసఫ్ సొసైటీల దందాపై “ఆదాబ్” ప్రత్యేక కథనం

హైదరాబాద్,13 ఫిబ్రవరి (ఆదాబ్ హైదరాబాద్: నల్లగొండ జిల్లా విద్యాశాఖ అధికారుల అవినీతి, అలసత్వానికి పరాకాష్టగా నాగార్జునసాగర్ నియోజకవర్గ కేంద్రంలో నడుస్తున్న ఓ ప్రైవేటు పాఠశాల యాజమాన్యం తమకున్న ఎయిడెడ్ అను మతిని అడ్డుపెట్టుకుని అక్రమంగా ప్రభుత్వ భూమిలో సొంత భవనాలు నిర్మాణం చేయడమే కాకుండా, ఒకే పాఠశాల ప్రాంగణంలో పలు ఎడ్యుకేషనల్ సొసైటీల పేరుతో విద్యను పూర్తిగా ఇక్కడ వ్యాపారంగా మార్చేసిన సంఘటన వెలుగులోకి వచ్చింది..

పూర్తి వివరాల్లోకి వెళితే.. నల్లగొండ జిల్లా నాగార్జునసాగర్ పట్టణంలో నడుస్తున్న సెయింట్ జోసెఫ్ హై స్కూల్ యాజమాన్యం వారు ఇక్కడ విద్యను వ్యాపార సంస్థగా మార్చి, ఎయిడెడ్ అనే పేరును అడ్డుపెట్టుకొని ప్రభుత్వ మధ్యాహ్న భోజన పథకంలో కూడా తీవ్రమైన అవినీతి అక్రమాలకు పాల్పడి, ప్రభుత్వ సొమ్మును దొడ్డిదారిన దోపిడీ చేసినట్లు తెలుస్తోంది. ఒక సామాజిక కార్యకర్త ఈ విషయమై జిల్లా విద్యాశాఖ అధికారులతో తలపడి సమాచార హక్కు చట్టమే అస్త్రంగా ఈ పాఠశాలకు చెందిన అనేక అవినీతి అక్రమాలను బయటికి తవ్వి తీసిన సంఘటన వెలుగులోకి వచ్చింది.