ఎవరి ప్రభావం?

నాకు దొరికేది ఒకే ఒక్క ఆదివారం, సెలవు రోజుల్లో ఇంటి గడప దాటబుద్ది కాదు.

- సింగంపల్లి శేష సాయి కుమార్ 8639635907

నాకు దొరికేది ఒకే ఒక్క ఆదివారం, సెలవు రోజుల్లో ఇంటి గడప దాటబుద్ది కాదు. ఎక్కడ లేని బద్దకం అంతా ఆ రోజు ఆవహిస్తుంది. ముందు రోజు మాత్రం అక్కడికి వెళ్లాం, ఇక్కడికి వెళ్లాం, అది తిందాం, ఇది కొందాం అని రకరకాల మాస్టర్ ప్లాన్లు తిరుగుతుంటాయి. కానీ మరుసటి రోజు నిద్ర లేచే సమయానికి చెదిరిన కలలాగా అన్నీ కరిగిపోతాయి.

కానీ వీటన్నిటి మధ్య గత సంవత్సర కాలంగా నేను చేస్తున్న పని ఉదయం టిఫిన్ తినగానే ఒక అరగంట, సాయంత్రం టీ తాగగానే ఒక గంట సేపు మా బుల్లు గాన్ని “అట్లా... ఆఫీసుకు తీసుకుపోవడం. అదేంటి సెలవు రోజుల్లో ఆఫీసు అనుకోకండి. మా వాడు గడప దాటి కాలు బయట పెడితే అది వానికి ఆఫీసు... ఆ అవును. అలా వాణ్ణి కాసేపు అలా బయట తిప్పితే అలసి పోయి పడుకుంటాడని అందరూ అనుకుంటారు. కానీ వాడిన బయట తిప్పి ఇంటికి తీసుకొచ్చే సమయానికి నేను అలసిపోయి ఓ కునుకు తీయాల్సిన పరిస్థితి వస్తుంది.