ఆనందమే ఆనందం

ఆనందాన్ని ఎవరు కోరుకోరు? కానీ మనిషి ఎప్పుడూ ఏదో ఒక దిగులుతో ఆనందంగా ఉండటమనేదే మర్చిపోతున్నాడు.

- రాపర్తి ప్రసాద్ కౌన్సెలింగ్ సైకాలజిస్ట్ 7981486747

ఆనందాన్ని ఎవరు కోరుకోరు? కానీ మనిషి ఎప్పుడూ ఏదో ఒక దిగులుతో ఆనందంగా ఉండటమనేదే మర్చిపోతున్నాడు. అందుకే ఆనందంగా ఉండాలంటూ తెలియజెప్పటానికి కూడా ఒక రోజును కేటాయించారు. 'అంతర్జాతీయ ఆనంద దినోత్సవం'. ప్రపంచవ్యాప్తంగా ఉన్న ప్రజలు తమ జీవితంలో ఆనందంగా ఉండటం ఎంత ముఖ్యమో గ్రహించి ఆ దిశగా ఎల్లప్పుడూ చిరునవ్వుతో ఆనందం గా ఉండాలనే ఉద్దేశ్యంతో ఐక్యరాజ్యసమితి మార్చి 20ని ఆనంద దినోత్సవంగా ప్రకటించింది.సమాజంలో ఉండే అసమానతలు తగ్గిపోయి, సుస్థిర అభివృద్ధి సాధించాలి. ప్రపంచంలో ఉండే ప్రతిఒక్కరూ తమ జీవితంలో ప్రగతి సాధించాలి అనే లక్ష్యంతో అంతర్జాతీయ ఆనంద దినోత్సవాన్ని 2012లో ప్రతిపాదించారు.

అంతర్జాతీయ ఆనంద దినోత్సవం సందర్భంగా తమ ఆనందాన్ని ఇతరులతో పంచుకోండి. అది ఎంత చిన్నదైన సరే మీ స్నేహితులు, కుటుంబ సభ్యులతో ఏదైనా సంతోషకర విషయాన్ని తెలియజేయండి. ఒకరికొకరు శుభాకాంక్షలు చెప్పుకోండి, ప్రోత్సహించుకోండి. ఇలా సంతోషకరమైన క్షణాలను ఆస్వాదించండి. ఎవరికైన పుట్టినరోజు, పెళ్లి రోజు ఉంటే వారికి శుభాకాంక్షలు తెలియజేయండి. మీరు చేసే చిన్న ఆత్మీయ పలకరింపు లేదా ఒక మెసేజ్ ఇంకొకరి మొఖంలో చిరునవ్వుని వెలిగించవచ్చు.

ఇష్టమైన వ్యక్తులతో గడపండి, మీ ఆలోచనలు పంచుకోండి. ఇలా ప్రపంచంలోని ప్రజలందరూ తమ సన్నిహితులతో, పొరుగువారితో ఒకరికొకరు సంతోష క్షణాలను ఆస్వాదిస్తే అది ఒకరి నుంచి ఒకరికి వ్యాప్తి చెందుతుంది. ఈ క్రమంలో ప్రపంచమంతా ఆనందమయం అవుతుంది అని తెలియజెప్పటం, ప్రతిరోజూ ఆనందంగా ఉండటానికి అలవాటు చేసుకోవడం అంతర్జాతీయ ఆనంద దినోత్సవం ముఖ్య ఉద్దేశ్యం.

ఆనందం అందరికీ కావాలి. మరి ఆనందం అంటే? ఎలా వస్తుంది! బాగా డబ్బు ఉంటే ఆనందమా? మంచి ఉద్యోగం ఉంటే ఆనందమా? ఉన్నత కుటుంబం లో పుడితే? గొప్ప హెూదా, అధికారం ఉ ం టేనో ఆనందమా! ఖరీదైన బంగ్లాలు, నగలు, దుస్తులు ఆనందమా!