வடசென்னை அனல்மின் நிலையம் சாம்பல் கிணறுகள் அவலநிலை!

அரசு கவனிக்குமா?

- இளையர்

தமிழ்நாடு மின்சார வாரியத்தின் கட்டுப் பாட்டில் வடசென்னையில் புதிதாக தொடங்கப்பட விருக்கும் அனல் மின்நிலையங்களில் உற்பத்தியைத் துவக்குவதற்கு முன்பாக சாம்பல் கிணறுகளை கட்டமைக்க வேண்டும் என்கிற கோரிக்கைகள் எரிசக்தித் துறையினரிடம் எதிரொலிக்கிறது.

நம்மிடம் பேசிய தமிழக எரிசக்தி துறையினர், "தமிழ்நாடு மின்சார வாரியத்திற்கு சொந்தமாக வடசென்னையில் 2 அனல்மின் நிலையங்கள் இருக்கின்றன. இதி லிருந்து தினசரி 5,479 டன் நிலக்கரி எரிக்கப்பட்டு 660 மெகா வாட் மின்சாரம் உற்பத்தி செய்யப்படுகிறது. இதன்மூலம் 1,972 டன் சாம்பல் கழிவுகள் வெளியேறுகிறது.

இப்படி வெளியேற்றப்படும் சாம்பல்கள், சாம்பல் கிணறுகளில் சேமிக்கப்படுகிறது. ஆனால், இந்த சாம்பல்களின் குவியல்களைத் தாங்கிக்கொள்ளும் அளவுக்கு அந்த கிணறுகள் போதுமானதாக இருக்கவில்லை. இந்த நிலையில், வடசென்னை அனல் மின் நிலையம் ஸ்டேஜ்-3 மற்றும் எண்ணூர் SEZ STPP ஆகிய 2 அனல் மின்நிலையங்கள் விரைவில் செயல்பாட்டுக்கு வரவிருக்கின்றன.