હેડ ડાઉન, બેન્ડ ડાઉન

સતત આકાશમાં ઊડતાં રહેવાનું, જમીન પર ન આવે ત્યાં સુધી જીવ અધ્ધર, અનાડી પ્રવાસીઓની તોછડી વર્તણૂક,

-  કેતન મિસ્ત્રી (મુંબઈ)

વિમાનમાં પ્રવેશી, સીટ શોધી, કર્. અવાજ સાથે સીટ-બેલ્ટનું બકલ બંધાઈ જાય એટલે વિમાનમાં એક અવાજ પડઘાયઃ

ગુડ મોર્નિંગ, લેડીઝ ઍન્ડ જેન્ટલમેન. ધિઝ ઈઝ યૉર કૅપ્ટન સ્પીકિંગ. વેલકમ અબોર્ડ. વી આર એક્સપેન્ટિંગ અ સ્મૂધ ફ્લાઈટ ઍન્ડ એન્ટિસિપેટ ઑન ટાઈમ અરાઈવલ ઍટ ડેસ્ટિનેશન. સીટ બેંક, રિલેક્સ ઍન્ડ એન્જોય ધ ફ્લાઈટ...

પચ્ચીસ-ત્રીસ સેકન્ડની આ અનાઉન્સમેન્ટ પ્રવાસીઓને ઑલ ગુડ હોવાની ધરપત આપે છે. ધડાધડ વ્હૉટ્સઍપ મેસેજિસ છૂટવા માંડે છેઃ ફ્લાઈટ બોર્ડ કરી લીધી છે, ટાઈમસર પહોંચી જઈશું. આવીને મળીએ...

ગયા ગુરુવારે (૧૨ જૂને) અમદાવાદના સરદાર વલ્લભભાઈ પટેલ ઈન્ટરનૅશનલ ઍરપોર્ટથી લંડનના ગેટવિક ઍરપોર્ટ જઈ રહેલી ઍર ઈન્ડિયાની ફ્લાઈટ એઆઈ-૧૭૧ના કૅપ્ટન સુમિત સબરવાલે પણ આવી જાહેરાત કરી હશે. ૨૩૦ પ્રવાસીઓને કૅપ્ટનના શબ્દોથી સધિયારો મળ્યો હશે, ધડાધડ મેસેજિસ વછૂટ્યા હશે, કૉલ થયા હશે. બરાબર ૧:૩૮ વાગ્યે ડ્રીમલાઈનરને ક્લિયરન્સ મળતાં એણે ઉડાન ભરી. ગગનગામી થવા કૅપ્ટન ફુલ થ્રોટલ આપે છે, પણ આ શું? જમીનથી માંડ છસ્સો ફૂટની ઊંચાઈ હાંસલ કર્યા બાદ વિમાન વધુ ઊંચે જતું જ નથી. એને બદલે પ્લેન જમીન તરફ ગતિ કરવા માંડે છે.

આવા સમયે પાઈલટ માત્ર એટલું જ કરી શકે કે વિમાનને એવી જગ્યાએ વાળે કે પટકાયા બાદ ઓછામાં ઓછી જાનહાનિ થાય. જો કે અહીં તો પાઈલટને એ સમય જ ન મળ્યો અને થોડી વારમાં પ્લેન નીચે પટકાયું.

ચિત્રલેખાનો આ અંક આપના હાથમાં હશે ત્યારે વિમાન દુર્ઘટનાને સપ્તાહ વીતી ગયું હશે. એ પછી કેદારનાથ ટ્રેજેડી થઈ અને પુણેમાં બ્રિજ ટ્રેજેડી થઈ. અમદાવાદ દુર્ઘટના પહેલાં મુંબઈના મુંબ્રા સ્ટેશન નજીક ભારે ભીડને કારણે ચાલુ ટ્રેનમાંથી ચાર પ્રવાસીઓએ ટ્રૅક પર પડીને જીવ ગુમાવ્યા. એ રીતે જોતાં ૨૦૨૫, એમાંય ખાસ જૂન મહિનો ઘણો ભારે રહ્યો કહેવાય.

સ્ટે ડાઉન, સ્ટે ડાઉન...

અહંકારને ઓગાળી હસતું મોં રાખી સેવા આપતાં રહેવાનું... ઍરલાઈન કંપનીની

જૉબ ખરેખર સ્ટ્રેસફલ છે.