મુકુલ દેવ: ઝાકમઝોળ દુનિયા પાછળની એકલતા...

‘સન ઓફ સરદાર' સહિતની ફિલ્મો તથા ‘કહાની ઘર ઘર કી' જેવા શો કરનાર અભિનેતા મુકુલ દેવનું નિધન મુકુલ દેવનો જન્મ ૧૭ સપ્ટેમ્બર, ૧૯૭૦ના રોજ નવી દિલ્હીના એક પંજાબી પરિવારમાં થયો હતો. તેમના પિતા હરિ દેવ દિલ્હી પોલીસ કમિશનર હતા. તેમના મોટાભાઈ રાહુલ દેવ એક જાણીતા અભિનેતા છે. મુકુલ દેવએ ઇન્દિરા ગાંધી રાષ્ટ્રીય ઉડાન અકાદમીમાંથી પાઇલટની ટ્રેનિંગ લીધી હતી, પરંતુ અભિનયનું ઝુનૂન તેમને મુંબઈ લઈ આવ્યું હતું. તેમણે ૧૯૯૬માં ટીવી સિરિયલ ‘મુમકિન’થી પોતાની અભિનય કારકિર્દીની શરૂઆત કરી હતી.

- પાર્થ દવે

૨૩મે એ સમાચાર આવે છે કે, અભિનેતા મુકુલ દેવ ૫૪ વર્ષની ઉંમરે દુનિયાને અલવિદા કહી ચૂક્યા છે. આ સાથે ટી.વી. અને ફિલ્મ ઇન્ડસ્ટ્રીમાં શોકનું વાતાવરણ છવાઈ ગયું હતું. સોનુ સૂદ, જુનિયર એન.ટી.આર, સુસ્મિતા સેન અને મનોજ બાજપેયી સહિત ઘણા બધા કલાકારોએ તેમના અવસાન પર શોક વ્યક્ત કર્યો હતો. મૃત્યુનું કારણ તો હજી સુધી સામે આવ્યું નથી, પરંતુ એવું કહેવામાં આવી રહ્યું છે કે તેઓ લાંબા સમયથી બીમાર હતા અને દિલ્હીની એક હોસ્પિટલમાં દાખલ હતા, જ્યાં તેમણે અંતિમ શ્વાસ લીધા હતા. એક ટીવી શોથી પોતાના અભિનય કારકિર્દીની શરૂઆત કરનાર મુકુલ દેવની અભિનય કારકિર્દી રસપ્રદ રહી હતી.

મુકુલ દેવનો જન્મ ૧૭ સપ્ટેમ્બર, ૧૯૭૦ના રોજ નવી દિલ્હીના એક પંજાબી પરિવારમાં થયો હતો. તેમના પિતા હરિ દેવ દિલ્હી પોલીસ કમિશનર હતા. તેમના મોટાભાઈ રાહુલ દેવ એક જાણીતા અભિનેતા. મુકુલ દેવએ ઇન્દિરા ગાંધી રાષ્ટ્રીય ઉડાન અકાદમીમાંથી પાઇલટની ટ્રેનિંગ લીધી હતી, પરંતુ અભિનયનું ઝુનૂન તેમને મુંબઈ લઈ આવ્યું હતું.