പ്രവാസികൾ ഒഴിവാക്കണം ഈ 10 വലിയ തെറ്റുകൾ

സാധാരണയായി വരുത്തുന്ന ഈ തെറ്റുകൾ ഒഴിവാക്കിയാൽ കാര്യമായി പണം ലാഭിക്കാം, സമയവും ബുദ്ധിമുട്ടുകളും ഒഴിവാക്കാം

- അനൂജ് ശശീന്ദ്രൻ

ജർമനിയിൽ എൻജിനീയറായ മീര വിദേശത്തെ വരുമാനം തന്റെ എൻആർഒ അക്കൗണ്ടിലാണ് സൂക്ഷിച്ചിരുന്നത്, നല്ലൊരു തുക നികുതിയും നൽകിയിരുന്നു. എന്നാൽ സുഹൃത്തായ ടാക്സ് വിദഗ്ധന്റെ ഉപദേശമനുസരിച്ച് പണം എൻആർഇ അക്കൗണ്ടിലേക്ക് അയയ്ക്കാൻ തുടങ്ങിയതോടെ അനാവശ്യമായി നൽകിവന്നിരുന്ന നികുതി ലാഭിക്കാൻ സാധിച്ചു.

സാമ്പത്തികകാര്യങ്ങളിൽ ഭൂരിപക്ഷം പ്രവാസികളും ഇത്തരത്തിലുള്ള പലവിധ തെറ്റുകൾ വരുത്താറു ണ്ട്. സമയക്കുറവും അശ്രദ്ധയും കൊണ്ടു സംഭവിക്കുന്നതാണെങ്കിലും ആ ചെറിയ തെറ്റുകൾ പോലും നിങ്ങളുടെ പണവും വിലപ്പെട്ട സമയവും വൻതോതിൽ നഷ്ടപ്പെടാൻ കാരണമാകാം. സാധാരണയായി പറ്റുന്ന ഇത്തരം തെറ്റുകൾ എന്തെല്ലാമെന്നു നോക്കാം.

1. സ്റ്റാറ്റസ് അപ്ഡേറ്റ് ചെയ്യാതിരിക്കൽ

നിങ്ങൾ ഒരു പ്രവാസിയായി മാറിക്കഴിഞ്ഞാൽ നാട്ടിൽ നിങ്ങൾക്കുള്ള റസിഡന്റ് അക്കൗണ്ട് ഉടനെ എൻആർഒ അക്കൗണ്ടായി മാറ്റണം. അല്ലെങ്കിൽ അക്കൗണ്ട് ക്ലോസ് ചെയ്യണം. എൻജിനീയറായ രവി കാനഡയിലേക്കു താമസം മാറിയെങ്കിലും റസിഡന്റ് സേവിങ്സ് അക്കൗണ്ട് ഉപയോഗം തുടർന്നതിനാൽ ഇന്ത്യൻ ബാങ്കിങ് നിയമലംഘനത്തിനു പിഴകൾ അടയ്ക്കേണ്ടിവന്നു.

2. നികുതി നിയമങ്ങൾ അവഗണിക്കുന്നു

ഇന്ത്യയിൽ വാടകയോ മൂലധന നേട്ടമോ പോലുള്ള വരുമാനമുണ്ടെങ്കിൽ, അതിനു നികുതിയടയ്ക്കാൻ നിങ്ങൾ ബാധ്യസ്ഥനാണ്. റിട്ടേൺ കൃത്യമായി ഫയൽ ചെയ്യാതിരിക്കുക, പണം വിദേശത്തേക്കു കൊണ്ടുപോകാനുള്ള (repatriation) ടാക്സ് ക്ലിയറൻസ് എടുക്കാതിരിക്കുക എന്നിവയെല്ലാം പലവിധ സങ്കീർണതകൾക്കും പിന്നീടു കാരണമാകും.

3. KYC അപ്ഡേറ്റ് ചെയ്യാതിരിക്കൽ