പകുതി വിലയുടെ കാർ വാങ്ങു ഒരു കോടി നേടാം 20-ാം വർഷം

ഇപ്പോൾ ആഡംബരം അൽപം കുറച്ചാൽ ഭാവിയിൽ മികച്ച സാമ്പത്തിക സുരക്ഷ ഉറപ്പാക്കാം.

- ബാലചന്ദ്രൻ വിശ്വാറാം ഇൻഷുറൻസ്, മ്യൂച്വൽഫണ്ട് അഡ്വൈസർ

കാർ ഒരു ആഡംബരമോ അതോ ഒരു അവശ്യ വസ്തുവോ? ആഡംബരമാണ് എന്നു വിചാരിക്കുന്നവർക്ക് ഒരുപക്ഷേ, ഈ ആശയം മുഖവിലയ്ക്കെടുക്കാനാകില്ല. അല്ലാത്തവർക്ക് ഏറെ ഗുണം ചെയ്യും. അത്തരം രണ്ടു സാധ്യതകളെയാണ് ഇവിടെ പരിചയപ്പെടുത്തുന്നത്.

1. നിങ്ങൾക്ക് വായ്പയെടുത്ത് 20 ലക്ഷം രൂപയുടെ കാർ വാങ്ങിക്കാൻ പ്ലാനുണ്ട്. എന്നാൽ ഇപ്പോൾ 10 ലക്ഷത്തിന്റെ കാർ വാങ്ങുകയും അതുവഴി മിച്ചം പിടിക്കുന്ന തുക നല്ലൊരു മ്യൂച്വൽ ഫണ്ടിൽ എസ്ഐപി (സിസ്റ്റമാറ്റിക് ഇൻവെസ്റ്റ് പ്ലാൻ) ആയി നിക്ഷേപിക്കുകയും ചെയ്യുന്നു എന്നിരിക്കട്ടെ. എങ്കിൽ നിങ്ങൾക്ക് ഏഴു വർഷംകൊണ്ടു 20 ലക്ഷം രൂപയുടെ പോർട്ട് ഫോളിയോ ഉണ്ടാക്കിയെടുക്കാൻ പറ്റും. അതുവച്ച് വേണമെങ്കിൽ അന്ന് പുതിയ കാർ കൂടി വാങ്ങിക്കാം. അത് എങ്ങനെ എന്നല്ലേ?