വായ്പ മുടങ്ങിയാൽ തട്ടിപ്പുകാരനാകുമോ?

25 ലക്ഷം രൂപയിലധികമുള്ള വായ്പ മനപ്പൂർവം 3 തവണ മുടങ്ങിയാൽ കർശന നടപടികളെടുക്കുമെന്ന് ആർബിഐ

- 

അക്കൗണ്ടിൽ മൂന്നു മാസം തിരിച്ചടവ് മുടങ്ങിയാൽ പ്രത്യേക പരിശോധന നടത്തണം. മനപ്പൂർവം വീഴ്ച വരുത്തിയെന്നു കണ്ടെത്തിയാൽ വായ്പാതട്ടിപ്പുകാരുടെ പട്ടികയിൽ ഉൾപ്പെടുത്തണം. ഫോട്ടോ അടക്കമുള്ള വിവരങ്ങൾ പ്രസിദ്ധീകരിക്കണം. ഒരു സ്ഥാപനത്തിൽ നിന്നും വീണ്ടും വായ്പ നൽകാതെ ശ്രദ്ധിക്കണം.

ഒക്ടോബർ മുതൽ കർശനമായി നടപ്പാക്കാൻ ആർബിഐ ബാങ്കുകൾക്കും ബാങ്കിങ് ഇതര ധനകാര്യ സ്ഥാപനങ്ങൾക്കും നൽകിയ മാസ്റ്റർ സർക്കുലറിലെ ഉത്തരവാണിത്. ഇതു വായിച്ചാൽ ആർക്കും സ്വാഭാവികമായും ചില സംശയങ്ങളുണ്ടാകും. മൂന്നു ഗഡു മുടങ്ങിയാൽ തങ്ങളെയും തട്ടിപ്പുകാരനായി മുദ്രകുത്തി ഫോട്ടോയടക്കം പ്രസിദ്ധീകരിക്കുമോ? പിന്നെ വായ്പയേ കിട്ടാതാകുമോ?