നിക്ഷേപിക്കാൻ തിരഞ്ഞെടുപ്പു ഫലംവരെ കാത്തിരിക്കേണ്ട

ഫലം വരാൻ കാത്തിരുന്നാൽ, ഉയർന്ന വിലയിൽ നിക്ഷേപം നടത്തേണ്ടിവരും. അതായത് തിരഞ്ഞെടുപ്പിനു മുൻപുതന്നെ മികച്ച ഓഹരികൾ കണ്ടെത്തി നിക്ഷേപം നടത്തുന്നതാണ് അനുയോജ്യം.

- CA സജീഷ് കൃഷ്ണൻ കെ. മാനേജിങ് ഡയറക്ടർ AAA Profit Analytics (P) Ltd SEBI Registration Number: INH200009193

ഇടക്കാല ബജറ്റിനുശേഷം ഓഹരിവിപണി ഉന്മേഷത്തിലാണ്. പ്രധാന സൂചികകൾ ബജറ്റിനോട് അത്രകണ്ട് അനുകൂലമായി പ്രതികരിച്ചില്ലെങ്കിലും ബിഎസ്ഇ പവർ, ബിഎസ്ഇ ഓയിൽ ഗ്യാസ്, ബിഎസ്ഇ മെറ്റൽസ് തുടങ്ങിയവ നേട്ടമുണ്ടാക്കി. പ്രധാനമന്ത്രി പ്രഖ്യാപിച്ച് പുരപ്പുറ സൗരോർജ പദ്ധതി പുനരുപയോഗ ഊർജ മേഖലയിലെ ഓഹരികൾക്കു ഗുണം ചെയ്യും. അടിസ്ഥാന സൗകര്യവികസനം, റിയൽ എസ്റ്റേറ്റ്, പ്രതിരോധം, റെയിൽവേ എന്നിവയുമായി ബന്ധപ്പെട്ട പ്രഖ്യാപനങ്ങൾ മെറ്റൽ കമ്പനികളുടെ ഓഹരികൾ ഉയരാൻ കാരണമായിട്ടുണ്ട്. ബജറ്റിനുശേഷം മിഡ് ക്യാപ്, സ്മോൾ ക്യാപ് ഓഹരികൾ ലാഭമെടുപ്പുമൂലം ഇടിവു നേരിട്ടെങ്കിലും പലതും തിരിച്ചുവന്നു. മഹീന്ദ്ര & മഹീന്ദ്ര, അദാനി പോർട്ട്സ്, എസ്ബിഐ ഉൾപ്പെടെ ലാർജ് ക്യാപ് ഓഹരികളാകട്ടെ, പുതിയ ഉയരങ്ങൾ താണ്ടി. സമ്പദ്വ്യവസ്ഥയുടെ വളർച്ചാസാധ്യത ആഗോള ന