മ്യൂച്വൽ ഫണ്ട് സഹി ഹൈ

ഇന്നു രാജ്യത്ത് നാലു കോടി നിക്ഷേപകരുടേതായി 14 കോടി മ്യൂച്വൽ ഫണ്ട് ഫോളിയോകളും അവയിൽ 44 ലക്ഷം കോടി രൂപയുടെ നിക്ഷേപവുമുണ്ട്. നിക്ഷേപകരുടെ വിശ്വാസമാണ് ഇതിലൂടെ പ്രകടമാകുന്നത്.

- എ. ബാലസുബ്രഹ്മണ്യൻ ആംഫി ചെയർമാൻ, എംഡി, സിഇഒ, ആദിത്യബിർള സൺലൈഫ് എഎംസി ലിമിറ്റഡ്

"മ്യൂച്വൽ ഫണ്ട് സഹി ഹൈ എന്ന ക്യാംപെയ്ൻ സാധാരണക്കാർക്കിടയിൽ മികച്ച ബോധവൽക്കരണമാണ് നടത്തുന്നത്. ഈ നിക്ഷേപമാർഗത്തെക്കുറിച്ചു ശരിയായി മനസ്സിലാക്കി സമ്പത്ത് സൃഷ്ടിക്കാൻ അതു നിക്ഷേപകരെ പ്രോത്സാഹിപ്പിക്കുന്നു' പറയുന്നത് മ്യൂച്വൽ ഫണ്ട് സഹി ഹൈ ക്യാംപെയ്നിനു നേതൃത്വം നൽകുന്ന ആംഫിയുടെ നിലവിലെ സാരഥി ബാലസുബ്രഹ്മണ്യൻ, ആംഫി ഫിനാൻഷ്യൽ ലിറ്ററസി കമ്മിറ്റി എക്സ് ഒഫിഷ്യോ ചെയർമാൻ കൂടിയായ അദ്ദേഹം എന്തുകൊണ്ട് മ്യൂച്വൽ ഫണ്ട് ശരിയാണ് എന്നും അതിൽ ആംഫിയുടെ പങ്കെന്താണെന്നും വിശദമാക്കുന്നു.

ആംഫി എന്നു കേട്ടിട്ടില്ലാത്തവർ ഇന്നു ചുരുക്കമാണ്. പക്ഷേ, എന്താണെന്നു പലർക്കും അറിയില്ല. യഥാർഥത്തിൽ എന്താണ് ആംഫി

മ്യൂച്വൽ ഫണ്ട് കമ്പനികൾക്കുവേണ്ടി അവർ രൂപീകരിച്ച അസോസിയേഷൻ ഓഫ് മ്യൂച്വൽ ഫണ്ട്സ് ഇൻ ഇന്ത്യ എന്നതിന്റെ ചുരുക്കപ്പേരാണ് ആംഫി. മ്യൂച്വൽ ഫണ്ട് വ്യവസായത്തിന്റെ വളർച്ച ഉറപ്പാക്കുക എന്ന ലക്ഷ്യത്തോടെ അസെറ്റ് മാനേജ്മെന്റ് കമ്പനികൾക്കും വിതരണക്കാർക്കും ഒപ്പം നിക്ഷേപകർക്കും വേണ്ടി പ്രവർത്തിക്കുന്ന സംഘടനയാണിത്. 26 വർഷമായി പ്രവർത്തിക്കുന്ന ഈ നോഡൽ ഏജൻസിയെക്കൊണ്ട് ഏറ്റവും ഗുണം നിക്ഷേപകർക്കാണ്. വിപണി വികസനത്തിന് ആംഫി നടത്തുന്ന ബോധവൽക്കരണം ഈ നിക്ഷേപത്തെക്കുറിച്ചും അതുപയോഗിച്ച് നേട്ടമുണ്ടാക്കാൻ ശ്രദ്ധിക്കേണ്ട വസ്തുതകളെക്കുറിച്ചും നിക്ഷേപകരെ പഠിപ്പിക്കുന്നു. ഈ രംഗത്ത് സമാന പ്രവർത്തന ചട്ടക്കൂട് ഉറപ്പാക്കുന്നതിൽ ആംഫി പ്രത്യേകം ശ്രദ്ധിക്കുന്നതിനാൽ ആർക്കും തോന്നിയപോലെ പ്രവർത്തിക്കാനാകില്ല. മേഖലയിൽ മൊത്തം ഏകീകൃത നിയമങ്ങളും പ്രവർത്തനരീതികളുമാണ്. കാലാകാലങ്ങളിൽ ആവശ്യമായ പരിഷ്കരണങ്ങളും വരുത്തുന്നു. അതുവഴി സുതാര്യത ഉറപ്പാക്കാനും നിക്ഷേപകരെ തട്ടിപ്പിൽനിന്നു സംരക്ഷിക്കാനും കഴിയുന്നു.

മ്യൂച്വൽ ഫണ്ടുകളുടെ നിയന്ത്രണം ആംഫിക്കാണോ?