സംരംഭകന് എംബിഎ വേണോ?

സംരംഭകർ അടിസ്ഥാനപരമായി മനസ്സിലാക്കേണ്ട ഒട്ടേറെ കാര്യങ്ങൾ എംബിഎ പോലുള്ള ബിസിനസ് കോഴ്സുകളിലൂടെ ലഭിക്കും.

- സാജിദ് നാസർ

എംബിഎ പഠനം സംരംഭകത്വത്തിന് അനിവാര്യമാണോ? ഈയിടെ സൗഹൃദസംഭാഷണത്തിനിടയിൽ കേരളത്തിലെ പ്രമുഖ വ്യവസായ ശൃംഖലയുടെ തലവനോട് ആരാഞ്ഞു. അദ്ദേഹത്തിന്റെ മറുപടി ഇങ്ങനെയായിരുന്നു: “സംരംഭം തുടങ്ങുന്ന സമയത്ത് ബിസിനസ് വിദ്യാഭ്യാസം ലഭിച്ചിരുന്നുവെങ്കിൽ ആദ്യ 10 വർഷത്തെ അത്യധ്വാനം രണ്ടു വർഷമായി ചുരുക്കാമായിരുന്നു. അങ്ങനെ ചുരുങ്ങിയിരുന്നെങ്കിൽ അക്കാലയളവിൽ സംരംഭത്തിനുണ്ടാകുമായിരുന്ന വളർച്ച വലുതായിരുന്നേനെ.

ഇതിനർഥം ബിസിനസ് വിദ്യാഭ്യാസം സംരംഭകയാത്ര എളുപ്പമാക്കും എന്നു തന്നെയാണ്. അനുഭവത്തിൽ നിന്നുള്ള തിരിച്ചറിവാണിത്.

എന്തുകൊണ്ട്?