മൂൺലൈറ്റിങ് 'ഇരട്ടജോലി’യുടെ ഇരുവശങ്ങൾ

മൂൺലൈറ്റിങ് അഥവാ ഒന്നിലധികം തൊഴിലിൽ ഏർപ്പെടൽ സംബന്ധിച്ച ചർച്ചകളും വാദപ്രതിവാദങ്ങളും മുറുകുന്നതിനിടെ ഇതിന്റെ  സാധ്യതകളെയും ഒപ്പം ഗുണദോഷങ്ങളെയും വിലയിരുത്തുന്നു.

- 

ഒരു വ്യക്തി സ്ഥിര തൊഴിലിനോടൊപ്പം മറ്റൊരു തൊഴിലിൽ കൂടി ഏർപ്പെടുന്ന പ്രക്രിയയാണ് മൂൺലൈറ്റിങ് അഥവാ  "ഇരട്ടജോലിയിൽ ഏർപ്പെടൽ'. പകൽ പ്രധാന ജോലി ചെയ്യുകയും അതിനുശേഷമോ അതോടൊപ്പം തന്നെയോ മറ്റൊരു തൊഴിൽ വരുമാന മാർഗമായി സ്വീകരിക്കുകയും ചെയ്യുന്ന രീതിയാണിത്.

മൂൺലൈറ്റിങ്ങിനെ അനുകൂലിച്ചും പ്രതികൂലിച്ചും ധാരാളം കമ്പനികളും വ്യക്തികളും അഭിപ്രായങ്ങളുമായി വരുന്നുണ്ട്. വിവര സാങ്കേതിക വകുപ്പ് മന്ത്രി രാജീവ് ചന്ദ്രശേഖർ ഇതിനോടുള്ള അനുകൂല നിലപാട് വ്യക്തമാക്കിയപ്പോൾ വിപ്രോ മുന്നൂറിലധികം പേരെ പിരിച്ചുവിടാൻ തീരുമാനിച്ചു. പ്രമുഖ ഐടി കമ്പനികളായ ഐബിഎം, ഇൻഫോസിസ് തുടങ്ങിയവ മൂൺലൈറ്റിങ് വിരുദ്ധ നിലപാടാണു സ്വീകരിക്കുന്നത്.

അതേസമയം ഭക്ഷണ സമാഹരണ വിതരണ കമ്പനി ആയ സ്വിഗ്ഗി മൂൺലൈറ്റിങ് അംഗീകരിക്കുകയും "സ്വിഗ്ഗി മൂൺലൈറ്റിങ് പോളിസി തയാറാക്കി പ്രവർത്തനശൈലിയിൽ മാറ്റം വരുത്തുകയും ചെയ്തു. ടിസിഎസ്, മൂൺലൈറ്റിങ് തങ്ങളുടെ കമ്പനിക്കു ഭൂഷണം അല്ലെന്നു വിശ്വസിക്കുമ്പോൾ ടെക് മഹീന്ദ്ര മൂൺലൈറ്റിങ് പോളിസി പരിഗണന അർഹിക്കുന്നവെന്ന അഭിപ്രായത്തിലാണ്.

മൂൺലൈറ്റിങ് മാതൃകകൾ

പ്രധാനമായും നാലു തരം മൂൺലൈറ്റിങ്ങുകളാണുള്ളത്.

ഹാഫ് മൂൺലൈറ്റിങ് ലഭ്യമായ സമയത്തിന്റെ പകുതി സമയം (50%) പാർട്ടൈം ജോലിക്കായി നീക്കിവയ്ക്കുന്നത്.

ക്വാർട്ടർ മൂൺലൈറ്റിങ് - ഫുൾടൈം ജോലിക്കു ശേഷം പാർട്ടൈം ജോലി ചെയ്യുന്നത്.

ഫുൾ മൂൺലൈറ്റിങ് രണ്ടുതരം ഫുൾടൈം ജോലികൾ ഒരേ സമയം കൈകാര്യം ചെയ്യുന്നത്.

ബ്ലൂ മൂൺലൈറ്റിങ് ഇരുജോലികളിലും വിജയം കണ്ടെത്താനാവാതെ പരാജിതനാവുന്ന അവസ്ഥ.

നിയമവ്യവസ്ഥകളും മൂൺലൈറ്റിങ്ങും