ആർക്കിടെക്ചറിൽ ലാളിത്യം വരണം

വിഖ്യാത ജർമൻ ആർക്കിടെക്ട് അന്ന ഹെറിങ്ഗെറുമായി ആർക്കിടെക്ട് സൂര്യ പ്രശാന്ത് നടത്തിയ അഭിമുഖം

- 

പ്രാദേശിക നിർമാണവസ്തുക്കളും തനതു നിർമാണവിദ്യകളും എത്രത്തോളം വിലപ്പെട്ടതാണെന്ന് ലോകത്തെ ബോധ്യപ്പെടുത്തിയ വാസ്തുശില്പിയാണ് അന്ന ഹെറിങ്ഗെർ. കൊച്ചിയിൽ മൺസൂൺ ആർക്കിടെക്ചർ ഫെസ്റ്റിവലിനെത്തിയ അന്നയുമായി നടത്തിയ സംഭാഷണം

എങ്ങനെയായിരുന്നു കുട്ടിക്കാലം? കുട്ടിക്കാലം എങ്ങനെയാണ് നിങ്ങളുടെ വിചാരധാരകളെ സ്വാധീനിച്ചത്?

കുട്ടിയായിരിക്കുമ്പോൾ ഞാൻ സ്കൗട്ട്സിൽ അംഗമായിരുന്നു. ഓരോ വർഷവും രണ്ടാഴ്ചയോളം ഞങ്ങൾ കാട്ടിൽ താമസിച്ച് തുണിയും മരക്കൊമ്പുകളും വച്ച് ടെന്റുകളും ഗോപുരങ്ങളുമുള്ള ചെറുഗ്രാമങ്ങൾ പണിയുമായിരുന്നു. മരങ്ങൾ നട്ടുകൊണ്ട് പ്രകൃതിയിൽ നിന്നെടുക്കുന്നത് പ്രകൃതിക്കു തന്നെ തിരിച്ചു കൊടുക്കുകയും ചെയ്തിരുന്നു. ഈ അനുഭവങ്ങൾ എന്നെ വാർത്തെടുക്കാൻ ഇടയായി. കൂട്ടായ്മയുടെ ശക്തിയും ആത്മ വിശ്വാസവും എന്നെ പഠിപ്പിക്കുകയും എനിക്ക് എന്തെങ്കിലുമൊക്കെ ചെയ്യാനാവുമെന്ന് കാണിച്ചു തരികയും ചെയ്തു.

സ്കൗട്ട് എന്ന രീതിയിലുള്ള അനുഭവങ്ങൾ താങ്കളുടെ പിന്നീടുള്ള ജീവിതത്തെ എങ്ങനെ സ്വാധീനിച്ചു?

ആ ക്യാംപുകൾ എന്നിൽ അടിസ്ഥാനമിട്ടു. ശാരീരികമായി ശക്തയല്ലായിരുന്നെങ്കിലും, കൂട്ടായ്മയിലൂടെ പലതും കെട്ടിപ്പൊക്കാനായത് ശാക്തീകരണത്തിന്റെ നറുവിത്തുകൾ എന്നിൽ വിതറി. എന്റെ പ്രോജക്ടുകളിലും അതേ ആവേശം കൊണ്ടുവരാനാണ് ഞാൻ ശ്രമിക്കുന്നത്. ആളുകളെ അവരുടെ കഴിവുകൾ മനസ്സിലാക്കി ശാക്തീകരിക്കുകയെന്നത്.

"തനിക്കുള്ളതിൽ വിശ്വാസമർപ്പിക്കുക' എന്ന താങ്കളുടെ തത്വസംഹിത ഒന്നു വിശദീകരിക്കാമോ?

നമ്മുടെ ഉള്ളിലും സമൂഹത്തിലും കാലുകൾക്ക് കീഴെയും നമുക്കാവശ്യമുള്ളതെല്ലാം ഉണ്ട്. ഞാൻ ബംഗ്ലാദേശിൽ "ദീപശിഖ' എന്ന എൻജിഒയ്ക്കുവേണ്ടി പ്രവർത്തിച്ചപ്പോൾ ലഭ്യമായ സ്രോതസ്സുകളിൽ വിശ്വസിക്കുക' എന്ന ആശയമാണ് നിറവേറ്റിയത്. കുട്ടിക്കാലം മുതൽ ഞാൻ വിശ്വസിച്ചതും ഇതിലാണ്.

പ്രവൃത്തി, കല, ആർക്കിടെക്ചർ എന്നിവ ഒരുമിച്ച് കൊ ണ്ടുപോകുന്നത് പ്രയാസമായിരുന്നോ?