അടുക്കള പുതുക്കൽ: വെല്ലുവിളികളും പരിഹാരങ്ങളും

പഴയ അടുക്കളയ്ക്ക് ഉണ്ടാകാവുന്ന 20 പ്രശ്നങ്ങളും പുതുക്കിപ്പണിയുമ്പോൾ അതിനു നൽകേണ്ട പരിഹാരങ്ങളും

- വി. മുഷ്താക്ക് ഡിസൈനർ, ഡി അലൈൻ ഡിസൈനർ സ്റ്റുഡിയോ, കോഴിക്കോട്

കേരള ചരിത്രത്തിൽ വളരെയേറെ കോളിളക്കം സൃഷ്ടിച്ച സാമൂഹിക പരിഷ്കരണ നാടകമാണ് "അടുക്കളയിൽ നിന്ന് അരങ്ങത്തേക്ക്. അടുക്കളയിൽ പ്രവർത്തിക്കുന്നവരുടെ പ്രാധാന്യമില്ലായ്മയായിരുന്നു വിഷയം. അവഗണിക്കപ്പെട്ടു കിടന്ന അടുക്കളയും അവിടത്തെ കരിയും പുകയും ഇന്ന് ചരിത്രം മാത്രമാണ്. അടുക്കള തന്നെ ഒരു അരങ്ങാണെന്ന് വർധിച്ചു വരുന്ന പുതുക്കലുകൾ ഊന്നിപ്പറയുന്നു.

പതിനഞ്ചോ ഇരുപതോ വർഷം മുൻപ് ചെയ്ത അടുക്കളയ്ക്കു പോലും പുതുക്കിപ്പണിയൽ ആവശ്യമാണ്. സൗകര്യങ്ങളിലും നിർമാണസാമഗ്രികളിലും അത്രയേറെ പുതുമകളാണ് വിപണിയിൽ. പഴയ അടുക്കളയ്ക്ക് ഉണ്ടാകാവുന്ന ചില പൊതു പ്രശ്നങ്ങൾ ഇവിടെ ചർച്ച ചെയ്യുന്നു. പരിഹാരങ്ങൾ നിർദേശിക്കുന്നത് അടുക്കള പുതുക്കിപ്പണിയുന്നതിൽ വിദഗ്ധരായ ഡിസൈനർമാരാണ്.

1. അടുക്കളയിൽ വേണ്ടത്ര കാറ്റും വെളിച്ചവുമില്ല അടുക്കളയിൽ കാറ്റും വെളിച്ചവും വേണ്ടത്ര കിട്ടാൻ പാകത്തിന് ജനൽ കൊടുക്കണം. ജോലികൾ എളുപ്പമാക്കാനുള്ള പുതിയ ഉപകരണങ്ങൾ വന്നതോടെ ജനലിന്റെ സ്ഥാനത്തിനും മാറ്റങ്ങൾ ഉണ്ടായിട്ടുണ്ട്. സിങ്കിന്റെ മുകളിൽ അല്ലെങ്കിൽ ഹോബിന്റെ മുകളിൽ ആണ് സാധാരണ ജനൽ നൽകുന്നത്. കഴുകിവയ്ക്കുന്ന പാത്രങ്ങളിലെ വെള്ളം വാർന്നുപോകാൻ സിങ്കിനു മുകളിൽ "ഗ്ലാസ് ആൻഡ് പ്ലേറ്റ് ട്രേ വിത് ഡ്രിപ് ട (gtpt) സ്ഥാപിക്കുന്നത് വളരെ സൗകര്യപ്രദമാണ്. 60 സെമീ, 90 സെമീ അളവുകളിലാണ് ജിടിപിടി ലഭിക്കുന്നത്. അതിനു തടസ്സമാകാത്ത വിധത്തിൽ സിങ്കിന്റെ ഇരുവശങ്ങളിലും ജനൽ കൊടുക്കാം. ഹോബിനു മുകളിൽ ഹുഡ് ഉണ്ടെങ്കിൽ അതും ജനൽ വയ്ക്കുമ്പോൾ പരിഗണിക്കണം. തിരശ്ചീനമായ "സിപ്' ആകൃതിയിലുള്ള ജനൽ കൊടുക്കുകയാണ് ഇത്തരം സാഹചര്യങ്ങളിൽ ചെയ്യുന്നത്. പാചകം കഴിഞ്ഞ ശേഷം ജനൽ തുറന്നിടുന്നത് ഹുഡിന്റെ പ്രവർത്തനം കാര്യക്ഷമമാക്കാൻ സഹായിക്കും.

2. കൗണ്ടർടോപ്പിന് ഉയരം കുറവ്