പുതു ട്രെൻഡുമായി ഫ്ലോറിങ്

പഴയ ഫ്ലോറിങ്ങുകൾ പലതും പുതിയ രൂപത്തിലും ഭാവത്തിലും തിരിച്ചെത്തി എന്നതാണ് പ്രധാന വാർത്ത

- 

മൊസെയ്ക്, മാർബിൾ, ഗ്രാനൈറ്റ്, ടൈൽ എന്നിങ്ങനെ ഫ്ലോറിങ്ങിൽ കാലാകാലങ്ങളായി മാറ്റങ്ങൾ സംഭവിച്ചു കൊ ണ്ടിരിക്കുകയാണ്. പണ്ടൊക്കെ ഒരു വീടു മുഴുവൻ ഒരൊറ്റ ഫ്ലോറിങ് എന്നതായിരുന്നു നയം. എന്നാൽ ഇന്ന് കഥ മാറി. ഒരു വീട്ടിൽ തന്നെ പല മെറ്റീരിയലുകൾ, പല പാറ്റേണുകൾ, പല നിറ ക്കൂട്ടുകൾ. ഇടങ്ങൾ തമ്മിൽ വേർതിരിക്കാൻ ചുമരുകളെയല്ല, ഫ്ലോറിങ്ങിനെയാണ് ആശ്രയിക്കുന്നത്. കോൺക്രീറ്റ് ഫ്ലോറിങ്, ഓക്സൈഡിന്റെ തിരിച്ചു വരവ് തുടങ്ങി നിലം വാഴുന്ന പുത്തൻ ട്രെൻഡുകൾ അറിയാം.

കോൺക്രീറ്റ് ഫ്ലോറിങ്

കോൺക്രീറ്റ് ഫ്ലോറിങ്ങിന് ആരാധകരേറേയാണ്; ഏറി വരികയുമാണ്. സിമന്റ് ഫിനിഷ് ആണ് കോൺക്രീറ്റ് ഫ്ലോറിങ്ങിന്റെ മുഖമുദ്ര. കൂടാതെ, പച്ച, നീല, മഞ്ഞ, ചുവപ്പ്, കറുപ്പ് എന്നീ നിറങ്ങളും നൽകാം. ആദ്യഘട്ടത്തിൽ തറ കോൺക്രീറ്റ് ചെയ്യുന്നതിനൊപ്പം കളർ പിഗ്മെന്റ് ചേർത്താൽ മതി.

ദീർഘകാല ഈട്, വൃത്തിയാക്കാൻ എളുപ്പം ജോയിന്റ് ഫ്രീ തുടങ്ങിയ ഗുണങ്ങളുണ്ട്. മാറ്റ്, ഗ്ലോസി, സെമി ഗ്ലോസി ഫിനിഷുകളിൽ ഒരുക്കാം. ചതുരശ്രയടിക്ക് 180 രൂപ മുതലാണ് ചെലവ്. മഞ്ഞ, ചുവപ്പ്, കറുപ്പ് നിറത്തിന് ചതുരശ്രയടിക്ക് 35 രൂപയും പച്ച, നീല നിറങ്ങൾക്ക് 150 രൂപയും അധികമായി ചെലവാകും.

സാധാരണയായി 4x4 മീറ്റർ വലുപ്പത്തിലുള്ള സ്ലാബുകളായാണ് പോളിഷ്ഡ് കോൺക്രീറ്റ് ഫ്ലോർ നിർമിക്കുന്നത്. മൂന്ന് ഘട്ടങ്ങളായാണ് ചെയ്യുന്നത്. ചുമരിന്റെ തേപ്പ് കഴിഞ്ഞതിനു ശേഷം ഏഴ്-എട്ട് സെമീ കനത്തിൽ തറ കോൺക്രീറ്റ് ചെയ്യുന്നു. കോൺക്രീറ്റ് ഉറയ്ക്കുന്നതിനു മുൻപ് മെഷീൻ ഉപയോഗിച്ച് നിരപ്പാക്കി മുകൾ ഭാഗം മിനുസപ്പെടുത്തും. അതിനു ശേഷം 28 ദിവസത്തെ ക്യുവറിങ് പ്രക്രിയയാണ്. 10 ദിവസം വെള്ളം കെട്ടി നിർത്തണം.

28 ദിവസത്തിനു ശേഷം ഗൈൻഡിങ് മെഷീൻ ഉപയോഗിച്ച് പോളിഷ് ചെയ്യുന്നതാണ് രണ്ടാംഘട്ടം. തുടർന്ന് കോൺക്രീറ്റിന്റെ ഉറപ്പ് കൂടാനുള്ള ലായനി ഒഴിച്ച് വീണ്ടും പോളിഷ് ചെയ്യും. അടുത്തത് മൂന്നു ഘട്ടങ്ങളിലായുള്ള പോളിഷിങ്ങാണ്. കറയും ചെളിയും പിടിക്കാതിരിക്കാനുള്ള സീലർ കോട്ടിങ്ങും ഇതിനൊപ്പം നൽകും.

മൊറോക്കൻ ടൈൽ