આંતરરાષ્ટ્રીય પતંગ મહોત્સવ

અમદાવાદમાં આંતરરાષ્ટ્રીય પતંગ મહોત્સવનો શાનદાર પ્રારંભ કરાવતા મુખ્યમંત્રીશ્રી ભૂપેન્દ્ર પટેલ વડાપ્રધાનશ્રી નરેન્દ્રભાઇના નેતૃત્વમાં ગુજરાતના વિકાસનો પતંગ સતત બે દાયકાથી નવી ઉંચાઈઓ પાર કરી રહ્યો છે - મુખ્યમંત્રીશ્રી ભૂપેન્દ્ર પટેલ

- 

મુખ્યમંત્રીશ્રી ભૂપેન્દ્ર પટેલ

વડાપ્રધાનશ્રીએ ઉત્સવો-તહેવારોને જનભાગીદારીથી લોકોત્સવ બનાવવાની પરંપરા ઊભી કરી છે.

O ગુજરાતનો પતંગ મહોત્સવ હવે ઇન્ટરનેશનલ એટ્રેક્શન બની ગયો છે.

O પતંગ ઉધોગનું ટર્ન ઓવર અંદાજે 625 કરોડનું છે.

0 1 લાખ 30 હજાર જેટલા લોકોને આ ઉધોગ રોજગારી આપે છે.

વિશ્વના 68 દેશોના 126 પતંગબાજો અને ભારતના 14 રાજ્યોના 65 પતંગબાજો સહભાગી થયા

આ વર્ષનો પતંગ મહોત્સવ G-20ની થીમ 'વસુધૈવ કુટુંમ્બકમ - વિશ્વ એક પરિવાર'ના ભાવ સાથે ગુજરાતભરમાં ઉજવાશે

મુખ્યમંત્રી શ્રી ભુપેન્દ્ર પટેલે આંતરરાષ્ટ્રીય પતંગ મહોત્સવ ૨૦૨૩ના શુભારંભ પ્રસંગે કહ્યું કે, વડાપ્રધાન શ્રી નરેન્દ્રભાઇ મોદીએ શરૂ કરાવેલી કાઇટ ફેસ્ટીવલની પરંપરા આજે વૈશ્વિક ઓળખ બની છે. વડાપ્રધાન શ્રી નરેન્દ્રભાઇના નેતૃત્વમાં ગુજરાતના વિકાસની પતંગ સતત બે દાયકાથી નવી ઉંચાઇઓ પાર કરી રહી છે.તેમણે વધુમાં કહ્યું કે, પતંગ મહોત્સવ આકાશને આંબવાનો, નવી ઉંચાઇઓ સર કરવાનો અવસર છે. પતંગ ઉન્નતિ, પ્રગતિ અને ઉડાનનું પ્રતિક છે અને કાઇટ ફેસ્ટિવલ જેવા ગુજરાતના તહેવારો ઇન્ટરનેશનલ એટ્રેક્શન બન્યા છે એમ તેમણે ઉમેર્યું હતું.