ബാരലിൽ മത്സ്യക്കൃഷി

മത്സ്യം

- ഡോ. ബി. പ്രദീപ് സബ്ജക്ട് മാറ്റർ സ്പെഷലിസ്റ്റ് (ഫിഷറീസ്), കെവികെ, പെരുവണ്ണാമൂഴി, കോഴിക്കോട്, 9496134220 e-mail: nairpradeep2@gmail.​com

? എനിക്ക് ചിത്രത്തിൽ കാണുന്ന തരം ബാരൽ ടാങ്കുകളിൽ അലങ്കാര മത്സ്യക്കൃഷി ചെയ്യാൻ താൽപര്യമുണ്ട്. ഈ ടാങ്കുകളിൽ ഫിൽറ്റർ ഘടിപ്പിക്കാൻ സാധിക്കുമോ. എന്തൊക്കെയാണു ശ്രദ്ധിക്കേണ്ടത്.
പി.വി. അബ്ദുറഹ്മാൻ, തുറയൂർ, കോഴിക്കോട്

• ബാരൽ ടാങ്കുകളിൽ ഭക്ഷ്യമത്സ്യക്കൃഷിയെക്കാൾ അലങ്കാരമത്സ്യക്കൃഷിയാവും ഉചിതം. എന്നാൽ, ഇവ ആഴം കുറഞ്ഞ പ്ലാസ്റ്റിക് ടാങ്കുകളായതിനാൽ നല്ല വെയിലുള്ളിടത്തു വച്ചാൽ, വെള്ളം വേഗത്തിൽ ചൂടാവും. ഇതുമൂലം മത്സ്യങ്ങൾ ചത്തുപോകാനിടയുണ്ട്. കൂടാതെ, സസ്യപ്ലവകങ്ങളുടെ അമിത വളർച്ച കാരണം വെള്ളം പച്ച നിറമാവാനുമിടയുണ്ട്. ഇക്കാരണത്താൽ ഫിൽറ്ററുകൾ എളുപ്പത്തിൽ അടഞ്ഞു പോകാം. അതിനാൽ ടാങ്കുകൾ നല്ല തണലുള്ളിടത്തുതന്നെ വയ്ക്കണം.