പൂച്ചയിൽ നിന്നു രോഗം പകരാതെ നോക്കാം

പൂച്ചയിൽ നിന്നു മനുഷ്യരിലേക്കു പകരുന്ന രോഗങ്ങളും പ്രതിരോധമാർഗങ്ങളും

- ഡോ. വി.ജെ.ഉദയശ്രീ

വളർത്തുപൂച്ചകളെ ബാധിക്കുന്ന ഒട്ടേറെ രോഗങ്ങളുണ്ടെങ്കിലും പൂച്ചകളിൽനിന്നു മനുഷ്യരിലേക്കു പകരാവുന്ന രോഗങ്ങളെയും പ്രതിരോധ മാർഗങ്ങളെയും കുറിച്ച് പൂച്ചപ്രേമികൾ അറിഞ്ഞിരിക്കണം. വിസർജ്യം, രോമം, ഉമിനീർ എന്നിവയിലൂടെയാണ് പൂച്ചയിൽനിന്നു മനുഷ്യരിലേക്കു രോഗം പകരുന്നത്.

പേവിഷബാധ

മിക്ക സസ്തനികളിലും പേവിഷബാധ കാണാമെങ്കിലും കേരളത്തിൽ പേവിഷബാധ പകരുന്നത് പ്രധാനമായും നായ്ക്കളും പൂച്ചകളും വഴിയാണ്. പേ പിടിച്ച മൃഗം കടിക്കുകയോ മാന്തുകയോ ചെയ്യുന്നതു വഴി വൈറസ് മനുഷ്യശരീരത്തിൽ എത്തുമെന്നതിനാൽ വളർത്തുനായ്ക്കൾക്കും പൂച്ചകൾക്കും പേവിഷ ബാധയ്ക്കെതിരെ പ്രതിരോധ കുത്തിവയ്പ് നിർബന്ധമായും എടുക്കണം. നമ്മുടെ ശരീരത്തിൽ മുറിവുള്ള ഭാഗങ്ങളിൽ പൂച്ചകളെ നക്കാൻ തീരെ അനുവദിക്കരുത്.

ടോക്സോപ്ലാസ്മ