ആവശ്യക്കാർക്കു നായ റെഡി ഏറ്റെടുക്കാനും സുരേഷ്

തിരുവനന്തപുരം നഗരത്തിൽ നായയ്ക്കു ഹോസ്റ്റൽ, പരിശീലനം, നായയെ വാടകയ്ക്കു നൽകൽ, ദത്തെടുക്കൽ, രക്തദാനം തുടങ്ങി ഒട്ടേറെ സേവനങ്ങളുമായി കമാൻഡോ സുരേഷ്

- 

നമ്മുടെ നഗരങ്ങളിൽ പുതുതലമുറ ഏറ്റവുമധികം വളർത്തുന്ന ജീവിയേത്? നായ തന്നെ ബാച്ചിലറായാലും വിവാഹിതരായാലും അതാണ് വസ്തുത. പക്ഷേ, നാടുവിട്ടു വിദേശത്തേക്കു കുടിയേറുന്ന ചെറുപ്പക്കാർ അവരുടെ അരുമനായ്ക്കളെ എന്തു ചെയ്യും? തെരുവിൽ ഉപേക്ഷിക്കുകയെന്ന സാമൂഹികദ്രോഹം പലരും ചെയ്തതാണ് കേരളത്തിലെ തെരുവുനായ പ്രശ്നം ഇത്രയും വഷളാക്കിയതെന്ന് എല്ലാവർക്കുമറിയാം, പക്ഷേ, അവർക്ക് നിയമാനുസൃതമായ മറ്റൊരു മാർഗം ഇവിടെ ലഭ്യമല്ലെന്നതും വസ്തുതയാണ്. ഈ സാഹചര്യത്തിലാണ് ഉപേക്ഷിക്കപ്പെടുന്ന എല്ലാ നായ്ക്കളെയും ദത്തെടുക്കാൻ സന്നദ്ധനായി തിരുവനന്തപുരം പേയാട് സ്വദേശി കമാൻഡോ സുരേഷ് എത്തുന്നത്. പൊലീസ് ഡോഗ് സ്ക്വാഡ്, കസ്റ്റംസ്, മൃഗസംരക്ഷണ വകുപ്പ് തുടങ്ങിയ ഏജൻസികൾ ഇദ്ദേഹത്തിന്റെ പ്രവർത്തനങ്ങൾ അംഗീകരിച്ചിട്ടുണ്ട്.