നഗരത്തിലും നേടാം കാർഷികാദായം

നഗരത്തിലും സമൃദ്ധം നന്മയുടെ നറുംപാൽ

- ജയിംസ് ജേക്കബ് തുരുത്തുമാലി

മഹാനഗരത്തിന്റെ മടിയിൽ 25ൽ അധികം പശുക്കളുമായി വിട്ടമ്മയുടെ ഡെയറി സംരംഭം

എറണാകുളം ഇടപ്പള്ളിയിൽ മാളിനും നക്ഷത്രഹോട്ട ലിനും വില്ലകൾക്കും തൊട്ടുപിന്നിൽ വിശാലമായൊരു ഡെയറിഫാമുണ്ടെന്നു പറഞ്ഞാൽ ആരു വിശ്വസിക്കും? ഇടപ്പള്ളിത്തോടും ദേശീയപാതയും നിർദിഷ്ട വാട്ടർ മെട്രോ സ്റ്റേഷനുമൊക്കെ അതിർത്തി പങ്കിടുന്ന രണ്ടേക്കറോളം സ്ഥലത്ത് പശുക്കളും മുട്ടക്കോഴികളുമൊക്കെ സസുഖം ഒന്നിച്ചു വാഴുന്ന കാര്യം കോടശേരിൽ വീടിന്റെ മുറ്റത്തെത്തിയാൽ പോലും അറിയില്ല. അത്ര മികവിലാണ് ഗൃഹനാഥ സിന്ധുവിന്റെ ഫാം നടത്തിപ്പ്. മാക്കൽസ് ഫാമിനെക്കുറിച്ചു പറയുമ്പോൾ അയൽക്കാർക്കും സന്തോഷം.