കിഴങ്ങുവിളകളുടെ നടീൽക്കാലം

നല്ല നടീൽവസ്തുക്കൾ തിരഞ്ഞെടുക്കുക

- ജോർജ് കെ. മത്തായി ഡപ്യൂട്ടി ഡയറക്ടർ (റിട്ട.), കൃഷിവകുപ്പ് ഇ-മെയിൽ: [e-mail]

ചേന നടുന്നതിനുള്ള ഏറ്റവും നല്ല സമയമായി പരമ്പരാഗതമായി കണക്കാക്കുന്നത് കുംഭമാസ ത്തിലെ വെളുത്തപക്കമാണ്. കുംഭത്തിൽ നട്ടാൽ കുടം പോലെ എന്ന പഴഞ്ചൊല്ലിനു പിന്നിലെ ആശയവും ഇതു തന്നെ. കുംഭമാസം ഫെബ്രുവരി 14ന് ആരംഭിച്ചതിനാൽ മാർച്ച് ആദ്യം തന്നെ ചേന നടാം.

ചേന നടുന്നതിന് 90 സെ.മീ. അകലത്തിൽ 60 x 60 x 45 സെ.മീ. വലുപ്പമുള്ള കുഴികളെടുക്കണം. വിത്തു ചേന കളിൽനിന്ന് 500 ഗ്രാം മുതൽ ഒരു കിലോവരെ തൂക്കമുള്ള കഷണങ്ങൾ മുളയ്ക്ക് കേടുപറ്റാതെ മുറിച്ചെടുക്കുക. അവ മെറ്റാറൈസിയം, സ്യൂഡോമോണാസ് ലായനികളിൽ മുക്കി വെള്ളം വാർന്നതിനുശേഷം നടുക. സമ്പുഷ്ടീ കരിച്ച ജൈവവളം, ചാരം (ലഭ്യമാണെങ്കിൽ) എന്നിവ നടീൽ വസ്തുവിന്റെ വശങ്ങളിലൂടെ ഇട്ടതിനുശേഷം മണ്ണ് മൂടി കൂനയാക്കുക. അതിനു മീതേ കൂന മുഴുവൻ മൂടത്തക്കവിധം കരിയില ഇടുക. കരിയിലയ്ക്കു മീതേ ഉണങ്ങിയ തെങ്ങോല വയ്ക്കുന്നത് വളർത്തുജീവികളും മറ്റും കൂന നശിപ്പിക്കുന്നത് ഒരു പരിധിവരെ തടയും. പല സ്ഥലങ്ങളിലും ചേനയ്ക്ക് നിമവിരബാധ കാണുന്നതിനാൽ തൊലി പുറമേ അസാധാരണമായി മുഴകൾ കാണുന്ന ചേന നടീൽ വസ്തുവായി എടുക്കരുത്.

കാച്ചിൽ

 45x45x30 സെ.മീ. അളവിൽ നന്നായി കിളച്ച് കുഴികൾ എടുത്തതിൽ 100 ഗ്രാം എങ്കിലും കുമ്മായം ഡോളോമൈറ്റ് ചേർത്തിളക്കുക. 4-5 ദിവസത്തിനുശേഷം ഇതിൽ ഒന്നരക്കിലോ വളം/കാലിവളം, 100 ഗ്രാം റോക്ക് ഫോസ്ഫേറ്റ്, 20 ഗ്രാം പിജിപിആർ, അസോസ്പൈറില്ലം, ഫോസ്ഫോ ബാക്ടർ എന്നിവ ചേർത്തിളക്കുക. ഇതിൽ 200-300 ഗ്രാം തൂക്ക മുള്ള കഷണങ്ങൾ നടുക. കുഴികൾ തമ്മിൽ 90 സെ.മീ. അകലം വേണം. കുഴികളിൽ നട്ടത്തിനുശേഷം മണ്ണിട്ടു മൂടി കരിയിലകൊണ്ടു പുതയിടുന്നത് ഈർപ്പം നഷ്ടപ്പെടാതെ നന്നായി കിളിർക്കുന്നതിനു സഹായിക്കും.

ചേമ്പ്

ഒന്നിലധികം വർഷം ഒരു സ്ഥലത്തു തുടർച്ച യായി ചേമ്പ് കൃഷി ചെയ്താൽ രോഗ സാധ്യത കൂടും. ഇത്തരം സ്ഥലങ്ങളിൽ ചേമ്പുകൃഷി കഴിഞ്ഞ് 2 വർഷം മറ്റ് തന്നാണ്ടുവിളകൾ ചെയ്യുക. ചേമ്പ് നടുന്നതിനു മുന്നോടിയായി കൃഷി സ്ഥലം നന്നായി കിളച്ച്, മണ്ണുപരിശോധന നടത്തിയശേഷം പിഎച്ച് (അമ്ല-ക്ഷാരനില) 5-7 ന് ഇടയിൽ വരത്ത ക്കവിധം കുമ്മായം | ഡോളോമൈറ്റ് പ്രയോഗിക്കുക.

തെങ്ങ്