കാർഷിക സംരംഭങ്ങൾക്ക് 2 കോടി രൂപ വായ്പ

ജാമ്യമില്ലാതെ വായ്പ ലഭിക്കും 3% പലിശ സബ്സിഡിയും

- ടി.എസ്. ചന്ദ്രൻ

കാർഷികോൽപന്നങ്ങളുടെ മൂല്യ വർധന ലക്ഷ്യമിടുന്ന സംരംഭങ്ങൾക്കായി ഒരു ലക്ഷം കോടി രൂപയുടെ പദ്ധതിയാണു കേന്ദ്ര സർക്കാർ പ്രഖ്യാപിച്ചിരിക്കുന്നത്. ദേശീയ കാർഷിക അടിസ്ഥാന സൗകര്യ പദ്ധതി (നാഷനൽ അഗ്രികൾചർ ഇൻഫ്രാ ഫെസിലിറ്റി) എന്ന പേരിൽ കേന്ദ്ര കൃഷി-കർഷകക്ഷേമ മന്ത്രാലയമാണു പദ്ധതി നടപ്പാക്കുന്നത്. അഞ്ചു വർഷത്തേക്കാണ് ഈ പദ്ധതിയുടെ പ്രാബല്യം.

പദ്ധതി ആനുകൂല്യങ്ങൾ

രണ്ടു കോടി രൂപവരെ കൊളാറ്ററൽ സെക്യൂരിറ്റി ഇല്ലാതെ വായ്പ അനുവദിക്കുന്നു.

3% പലിശ സബ്സിഡി നൽകുന്നു. 2 കോടി രൂപ വരെയുള്ള വായ്പയ്ക്ക് ഈ ആനുകൂല്യം ലഭിക്കും.

ഒരു സ്ഥാപനത്തിന്റെ വ്യത്യസ്ത സ്ഥലങ്ങളിലുള്ള പ്രോജക്ടുകൾക്കും ഈ ആനുകൂല്യം ലഭിക്കും.

പദ്ധതി അടങ്ങലിന്റെ 25% സ്വകാര്യ മേഖലയ്ക്കായാണു മാറ്റിവച്ചിട്ടുള്ളത്.