പിടിതരാതെ ധൻകർ

പാർലമെന്റ് വർഷകാല സമ്മേളനത്തിനിടയിൽ ഉപരാഷ്ട്രപതി പദത്തിൽ നിന്ന് അപ്രതീക്ഷിത രാജി പ്രഖ്യാപിച്ച് ജഗ്ദീപ് ധൻകർ

- ശ്വേത എസ്.നായർ

ഉപരാഷ്ട്രപതിയുടെ അപ്രതീക്ഷിത രാജിയും തുടർന്നുണ്ടായ ആരോപണ പ്രത്യാരോപണങ്ങളും ദേശീയ രാഷ്ട്രീയരംഗത്തു ചൂടുപിടിച്ച വിവാദങ്ങൾക്കു തിരികൊളുത്തിയിരിക്കുകയാണ്. ഭാരതത്തിന്റെ പതിനാലാം ഉപരാഷ്ട്രപതിയായ ജഗ്ദീപ് ധൻകർ ജൂലൈ 21നാണ് അപ്രതീക്ഷിത രാജി പ്രഖ്യാപിച്ചത്. പാർലമെന്റിന്റെ വർഷകാല സമ്മേളനത്തിനിടയിൽ വന്ന രാജി പ്രഖ്യാപനം ഏവരെയും ഞെട്ടിച്ച ഒന്നായി. ആരോഗ്യപ്രശ്നങ്ങൾ കാരണമാണു പദവിയൊഴിയു ന്നതെന്നാണു രാഷ്ട്രപതിക്ക് അയച്ച രാജിക്കത്തിൽ ധൻകർ വ്യക്തമാക്കിയത്. എന്നാൽ, ഇതിനു പിന്നിൽ രാഷ്ട്രീയനീക്കങ്ങളുമുണ്ടെന്ന വാദങ്ങൾ വന്നതോ ടെയാണു രാജി ഭരണപക്ഷ, പ്രതിപക്ഷ കക്ഷികൾക്കിടയിൽ വിവാദങ്ങൾക്കു വഴിതെളിച്ചത്. കാലാവധി പൂർത്തിയാക്കാൻ രണ്ടു വർഷം ബാക്കി നിൽക്കേയാണ് എഴുപത്തിനാലുകാരനായ ധൻകറിന്റെ പിൻമാറ്റം.

വഴിത്തിരിവുകളുടെ ധൻകർ