യൂറോപ്പിൽ ഉഷ്ണതരംഗം

10 ദിവസത്തിനിടെ മരിച്ചത് 2300 പേർ; കാലാവസ്ഥാവ്യതിയാനത്തിന്റെ നേരിട്ടുള്ള പ്രഭാവം മൂലമെന്ന് പഠന റിപ്പോർട്ട്

- അജീഷ് മുരളീധരൻ

യൂറോപ്പിലുണ്ടായ ഉഷ്ണതരംഗത്തിൽ ഒരാഴ്ച കൊണ്ട് 1500 പേർക്ക് ജീവൻ നഷ്ടമായതു കാലാവസ്ഥാവ്യതിയാനത്തിന്റെ നേരിട്ടുള്ള പ്രഭാവം മൂലമെന്ന് പഠന റിപ്പോർട്ട്, ജൂൺ അവസാന ആഴ്ചയും ജൂലൈ ആദ്യ ആഴ്ചയുമായാണ് യൂറോപ്പിലാകെ അന്തരീക്ഷതാപനില ക്രമാതീതമായി വർധിച്ചത്. എല്ലായിടത്തും ഒരു ഡിഗ്രി മുതൽ നാല് ഡിഗ്രി വരെ ചൂട് വർധിച്ചിരുന്നു. പല രാജ്യങ്ങളിലും സ്കൂളുകൾക്ക് അവധി നൽകേണ്ടി വന്നു. കടുത്ത ഉഷ്ണതരംഗത്തിൽ യൂറോപ്പിലെ വിവിധ രാജ്യങ്ങളിലെ 12 നഗരങ്ങളിലായി 10 ദിവസത്തിനുള്ളിൽ 2300 പേരാണ് മരിച്ചത്. ഇതിൽ 1500 പേരുടെയെങ്കിലും മരണം മനുഷ്യനിർമിത കാലാവസ്ഥാ വ്യതിയാനവുമായി നേരിട്ടു ബന്ധപ്പെട്ടിരിക്കുന്നുവെന്നാണ് ഇംപീരിയിൽ കോളജ് ഓഫ് ലണ്ടനിലെ കാലാവസ്ഥാ ഗവേഷകർ നടത്തിയ പഠനം ചൂണ്ടിക്കാട്ടുന്നത്.