സർവകലാശാല ലാസ്റ്റ് ഗ്രേഡ് ബിരുദക്കാർക്കും അപേക്ഷിക്കാം

വിജ്ഞാപനം പരിഷ്കരിക്കാൻ ഹൈക്കോടതി നിർദേശം

- 

സർവകലാശാല ലാസ്റ്റ് ഗ്രേഡ് സെർവന്റ് തസ്തികയിൽ ബിരുദധാരികൾക്ക് അപേക്ഷിക്കാനുള്ള വിലക്കു നീക്കി ഹൈക്കോടതി ഡിവിഷൻ ബെഞ്ചിന്റെ ഉത്തരവ്. ബിരുദമുള്ളവർക്ക് അപേക്ഷിക്കാനാകില്ലെന്നത് നിയമപരമായി നിലനിൽക്കില്ലെന്നും അവരെക്കൂടി ഉൾപ്പെടുത്തി വിജ്ഞാപനം പരിഷ്ക്കരി ക്കാനും ജസ്റ്റിസ് അനിൽ കെ നരേന്ദ്രൻ, ജസ്റ്റിസ് പി.ജി. അജിത്കുമാർ എന്നിവരുൾപ്പെട്ട ഡിവിഷൻ ബെഞ്ച് നിർദേശിച്ചു.

ലാസ്റ്റ് ഗ്രേഡ് തസ്തികയിൽ ബിരുദധാരികൾ അപേക്ഷിക്കേണ്ടതില്ലെന്ന വ്യവസ്ഥയോടെ 2020ൽ പുറത്തിറങ്ങിയ സർക്കാർ ഉത്തരവിനെച്ചൊല്ലിയായിരുന്നു തർക്കം. സ്പെഷൽ റൂൾസ് ഭേദഗതി ചെയ്യാതെ ഭരണതലത്തിലെ ഉത്തരവിലൂടെ സർക്കാർ യോഗ്യത നിശ്ചയിച്ചതു നില നിൽക്കില്ലെന്നു സിംഗിൾ ബെഞ്ച് വിധിച്ചിരുന്നു. പിന്നീട് സർക്കാരും പിഎസ്സിയും നൽകിയ അപ്പീലുകൾ പരിഗണിച്ചാണ് ഡിവിഷൻ ബെഞ്ചിന്റെ വിധി.