റാങ്ക് ലിസ്റ്റ് മൂന്നാം വർഷത്തിലേക്ക് മൂന്നിലൊന്നുമില്ല, UPST നിയമനം

8621 പേരുള്ള യുപി സ്കൂൾ ടീച്ചർ ലിസ്റ്റിൽ 2 വർഷം കൊണ്ടു നടന്നത് വെറും 29% നിയമനം

-  ഷാജി പൊന്നോല

യുപി സ്കൂൾ ടീച്ചർ റാങ്ക് ലിസ്റ്റുകളുടെ കാലാവധി മൂന്നാം വർഷത്തിലേക്കു കടക്കുമ്പോഴും നിയമനം മൂന്നിലൊന്നു പോലുമാകാത്തതിന്റെ ആശങ്കയിലാണ് ഉദ്യോഗാർഥികൾ. 8,621 പേരുൾപ്പെട്ട റാങ്ക് ലിസ്റ്റുകളിൽനിന്ന് ഇതുവരെ നടന്നത് 2526 നിയമന ശുപാർശ മാത്രമാണ്. ഇതിൽ 277 എണ്ണവും എൻജെഡി ഒഴിവുകളിലാ ണ്. അതായത് യഥാർഥ നിയമനം 2,249 മാത്രം. മുൻ റാങ്ക് ലിസ്റ്റിൽനിന്ന് 4,175 പേർക്കു നിയമന ശുപാർശ ലഭിച്ചിരുന്നു.