యద్భావం తద్భవతి

సమాజంలో హింస దావానలంగా వ్యాపిస్తుంది. కలలన్నీ కల్లలైపోతాయి.

- 

మన ఆలోచనలు ఎలా ఉంటాయో మన జీవితాలు అలా ఉంటాయి) రచన :- ప్రఖ్యాత రచయిత కేకలతూరి క్రిష్ణయ్య

అత్మీయత, అనుబంధం, అనురాగం, ప్రేమ, అభిమానం కలబోసిన వటవృక్షమే సంసారవృక్షం. కోపతాపాలు,అసూయ, ఈర్ష్య, ద్వేషాలు పెచ్చు మీరిపోతే సంసారం అతలాకుతలమై మనసులను, మనుషులను విడదీ స్తుంది. మానవీయ విలువలు కనుమరుగైపోతాయి. సమాజంలో హింస దావానలంగా వ్యాపిస్తుంది. కలలన్నీ కల్లలైపోతాయి. అసలు సంసారంలో ప్రేమానురాగాలు తగ్గితే క్రమేణా అనుబంధాలు ఆప్యాయతలు మటుమాయ మైపోతాయి. మనుషులు కలిసిఉన్నా, వారి మనసులు మాత్రం అసూయా ద్వేషాలతోను స్వార్థం తోనూ నిండిపోయి ఉంటాయి. ఉమ్మడి కుటుంబాలు విచ్ఛిన్నమవుతాయి. భారతీయ సనాతన సాంప్రదాయం ఉమ్మడి కుటుంబ జీవనం. కుటుంబంలో యజమాని - యజమానురాలు పెద్దగా వ్యవహరిస్తూ మిగిలిన తన సంతతిని చక్కని చదువు సంస్కారాలతో పెంచుతూ సమాజంలో గౌరవ మర్యాదలతో జీవించేలా వృద్ధి చేస్తారు. ఆ కుటుంబంలో ఏ కష్టమొ చ్చినా సుఖమొచ్చినా అందరు కలసిమెలసి దానిని అనుభవిస్తారు. ప్రతి ఒక్కరిలోనూ స్వార్థం అనేది లేకుండా సొంతమనే భావనతో, ప్రేమాభిమా నాలతో ఒకరిపై మరొకరు పెత్తనం చేయక సమదృష్టిని కలిగి వ్యవహరిస్తారు. మరీ పండుగ సందర్భాలలో ఐతే ఆ వాతావరణం చూడముచ్చటగా బృందావ నంలా కేరింతలతో, నవ్వులతో ఆటపాటలతో పెద్దలు, చిన్నలు అనే తేడా లేకుండా ఎంతో సంబంరంగా జరుపుకుంటారు. ఆ కుటుంబంలో సంసారాలు (కాపురాలు) విడివిడిగా వుంటున్నా మమతానుబంధాలతో ముడిపడి చూడముచ్చటగా ఉంటుంది.