వెక్కిరిస్తున్న అసమానతలు..పెరగడం తప్ప తగ్గడం లేదు..

దేశంలో ఆర్థిక వృద్ధి, ప్రగతి పరుగులు తీస్తున్నాయని, పేదరికం 5 శాతానికి తగ్గిందని కేంద్రం చెబుతున్నది అంకెల గారడీయే తప్ప మరొకటి కాదని తాజా నివేదిక గణాంకాల ఆధారంగా స్పష్టం చేసింది.

- 

దేశంలో ఆర్థిక వృద్ధి, ప్రగతి పరుగులు తీస్తున్నాయని, పేదరికం 5 శాతానికి తగ్గిందని కేంద్రం చెబుతున్నది అంకెల గారడీయే తప్ప మరొకటి కాదని తాజా నివేదిక గణాంకాల ఆధారంగా స్పష్టం చేసింది. వాస్తవానికి దేశంలో పేదలు మరింత పేదలుగా మారుతున్నారని, ధనికులు మరింతగా పెరుగుతున్నారని, ఈ అంతరం పెరుగుతున్నదే తప్ప తగ్గడం లేదని ఆ నివేదిక తేల్చి చెప్పింది. పారిస్ కేంద్రంగా ఉ న్న ప్రపంచ అసమానతల ల్యాబ్ అగ్ర దేశమైన అమెరికాతో పోలుస్తూ భారత దేశ అసమానతల అగాధం ఏమేరకు ప్రతి యేటా పెరుగుతుందో తెలియజెప్పింది. స్వతంత్ర భారత దేశంలో కన్నా బ్రిటిష్ పాలనలోనే అసమానతల అంతరాలు తక్కువగా ఉన్నాయని, ఇప్పుడే మరింతగా పెరుగుతున్నాయని ఆ ల్యాబ్ ఆందోళన వ్యక్తం చేసింది. కుమార్ భారతి, లాకాస్ చానల్ థబూమస్ పికెట్టి, అన్మోల్ సోమంచి ఆధ్వర్యంలో ఈ నివేదిక వెల్లడైంది. అసమానతలను పూర్తిగా నివారించలేకపోయినా తగ్గించలేకపోవడం కూడా ఆ అంశమని ఆ నివేదికలో పేర్కొన్నారు.