சிம்புவுக்குக் கால் கொடுத்த அப்பு!

அந்தக் காட்டில் ஒரு குரங்குக் குட்டி இருந்தது. அதன் பெயர் சிம்பு, சிம்புவின் கையில் ஒரு பலாப்பழம் கிடைத்தது. அந்தப் பழத்தை உருட்டி உருட்டிப் பார்த்தது சிம்பு.

- வசீகரன்

அதன் தோளில் முள்கள் நிறைந்திருந்தன. இருந்தாலும், அப்பழத்திலிருந்து வந்த வாசனை சிம்புவை விடவில்லை. இந்தப் பழத்தைப் பிளந்து விட்டால் உள்ளே இருக்கும் இனிப்பான சுளைகளை எடுத்துச் சுவைக்கலாம் என்பது அதற்குத் தெரிந்தே இருந்தது.

ஆனால், சிம்புவோ ஒரு குட்டிக் குரங்கு. அந்தக் குட்டியால் எப்படி அந்தப் பழத்தைப் பிய்க்க முடியும்? பலம் கொண்ட மட்டும் கைகளால் முயற்சி செய்து பார்த்தது. இம்மிகூட முடியவில்லை. சிம்புவுக்கு அழுகையே வந்து விட்டது.