ജയിൽ ചാട്ടം ഹെലികോപ്റ്ററിൽ

ESCAPED! സാഹസികമായ രക്ഷപ്പെടലുകൾ

- ബിമൽകുമാർ രാമങ്കരി

കൊലപാതകം, മോഷണശ്രമം, ജയിൽചാട്ടം എന്നിങ്ങനെ അനേകം കുറ്റകൃത്യങ്ങൾ. അവയ്ക്കെല്ലാം ശിക്ഷിക്കപ്പെട്ട ഫ്രഞ്ച് ക്രിമിനലാണ് പാസ്കൽ പായറ്റ്.

അയാൾക്ക് മുപ്പതു വർഷം തടവു ശിക്ഷ വിധിച്ച കാര്യം കുറ്റവാളികളായ ചങ്ങാതിമാർ അറിഞ്ഞു.

“ഓ... മുപ്പതു വർഷം! ഇനിയും വിധി വരാനുണ്ട്. നമുക്കവനെ രക്ഷിക്കണം!” ഒരു ചങ്ങാതി പറഞ്ഞു.

“പക്ഷേ, എങ്ങനെ? ഇപ്പോഴവൻ ഗ്രാസ്സേ ജയിലിലാണ്. ഉരുക്കു ഗേറ്റ്, കാവൽക്കാർ...എങ്ങനെ രക്ഷപ്പെടുത്തും?

” "എന്തായാലും നമുക്കൊന്നു ശ്രമിക്കാം.

" അവർ കാര്യങ്ങൾ രഹസ്യമായി ആലോചിച്ചു. എന്നിട്ട് ഒരു ഹെലികോപ്റ്റർ വാടകയ്ക്കെടുത്തു. നോർമൻഡിയിലേക്കു പോകണം എന്നാണവർ പൈലറ്റിനോടു പറഞ്ഞത്.