'എർത്ത് സി എന്ന മാന്ത്രികലോകം

വായിച്ചിരിക്കേണ്ട പുസ്തകങ്ങൾ പരിചയപ്പെടുത്തുന്ന പംക്തി

- എ. വി. ഹരിശങ്കർ

കടലിനു നടുവിൽ കുറേ ദ്വീപുകളിലായി ഒരു വിചിത്രലോകം. കടലിൽനിന്ന് ഏറെ പൊക്കത്തിൽ ഉയർന്നു നിൽക്കുന്ന ഒരു മലയാണ് അവയിൽ ഒരു ദ്വീപ്. അവിടെയുള്ള പലർക്കും ചെറിയ മാന്ത്രിക വിദ്യകളറിയാം. കുസൃതിപ്പയ്യനായ ഡ്യൂണിയും ചില ലൊട്ടുലൊടുക്കു വിദ്യകളൊക്കെ വശത്താക്കിയിട്ടുണ്ട്. മാനത്തു പറന്നു നടക്കുന്ന പക്ഷികളെ വിളിച്ചു വരുത്താം, മലഞ്ചെരിവിലെ മൂടൽമഞ്ഞ് കൂട്ടിയെടുത്ത് വായുവിൽ രൂപങ്ങളുണ്ടാക്കാം... ആയിടെയാണ് വേറൊരു നാട്ടിലെ അക്രമികൾ അവിടം കീഴടക്കാൻ എത്തിയത്. തനിക്കറിയാവുന്ന വിദ്യകൾ ഉപയോഗിച്