തെരുവിൻ പേരിതു പരമരസം

രസകരമായ പേരുള്ള റോഡുകളെപ്പറ്റി കേട്ടോളൂ..

- 

കേട്ടാൽ ചിരിവരുന്ന സ്ഥലപ്പേരുകളെപ്പറ്റി മുൻപ് ബാലരമ പറഞ്ഞു തന്നത് ഓർമ്മയില്ലേ? അതുപോലെ, രസകരമായ പേരുള്ള റോഡുകളും ലോകമെമ്പാടുമുണ്ട്. ഇതാ, അത്തരം ചില ഫണ്ണി സ്ട്രീറ്റ്' പേരുകൾ.

കലിഫോർണിയയിലെ ഒരു റോഡിന്റെ പേര് Zzyzx Rd എന്നാണ്! ഈ പേരിട്ടതിനു പിന്നിൽ ഒരു പ്രത്യേക ഉദ്ദേശ്യമുണ്ട്- ഇംഗ്ലിഷ് ഭാഷയിലെ അവസാനത്തെ വാക്കാവുക! രണ്ട് z ൽ തുടങ്ങി പിന്നാലെ ഒരു yകൂടി വന്നാൽ എന്തായാലും ഇത് അവസാനവാക്കാകാതെ പറ്റില്ലല്ലോ! അമേരിക്കയിലെ ഇഡാ ഹോയിലെ ഒരു പേരു കേട്ടാൽ കുറുക്കന്മാരുടെ വായിൽ വെള്ളമൂറും. Chicken Dinner Road ഈ റോഡിനു പേര്. അമേരിക്കയിലെ ന്യൂ ജഴ്സിയിലെ ഒരു റോഡി ന്റെ പേരെന്താണെന്നോ? Unexpected Road! (പ്രധാന ഹൈവേയിലൂടെ പോകുമ്പോൾ പ്രതീക്ഷിക്കാതെ പുതിയൊരു റോഡ് കാണുന്നതു കൊണ്ടാണത്രേ ഈ പേരു കിട്ടിയത്.