ഡോ. ജോളി ആന്റണി: നവീനതയും ദൗത്യബോധവും ഇഴചേർന്ന ഒരു സംരംഭകത്വ യാത്ര

എളിയ തുടക്കത്തിൽ നിന്ന് ഭൂഖണ്ഡാന്തര സാമ്രാജ്യത്തിലേക്ക് എത്തിപ്പെടാൻ, വിട്ടുവീഴ്ചയില്ലാത്ത അഭിനിവേശം,ദീർഘദർശ്ശനം, ധീരാഭിലാഷം എന്നിവ കൊണ്ട് സാധ്യമാകുന്നതിന്റെ ഉത്തമോദാഹരണമാണ് ഡോ. ജോളി ആന്റണിയുടെ വിജയഗാഥ

- 

ലളിതമായ തുടക്കം മുതൽ അന്തർദേശീയതയിലേക്ക് ദിശാബോധം ഉറപ്പിച്ച ഒരു സംരംഭകന്റെ കഥയാണ് ഡോ. ജോളി ആന്റണിയുടെത്. പുതുമ, ദൃഢനിശ്ചയം, ആഗോളവീക്ഷണം, സാമൂഹിക ഉത്തര വാദിത്തം എന്നിവയുടെ സമന്വയത്തി ലൂടെ അദ്ദേഹം സൃഷ്ടിച്ച ജീവിതവഴി, കേരളത്തിന്റെ കാഴ്ചപ്പാടുകളെ തന്നെ മാറ്റുന്ന ഒന്നാണ്.

സംരംഭം അന്താരാഷ്ട്രതലത്തിലേക്ക് എത്തിച്ച ചുവടുവയ്പ്പ്

2005-ൽ യുഎഇയിൽ അൽ സഫീന ട്രാവൽ ആൻഡ് ടൂറിസം സ്ഥാപിച്ചുകൊണ്ട് ആരംഭിച്ച ഡോ.ജോളിയുടെ ജൈത്ര യാത്ര ഡിജിറ്റൽ കൊമേഴ്സ്,ഹോസ്പിറ്റാലി റ്റി, വെൽനസ്, വിദ്യാഭ്യാസം,റീട്ടെയിൽ, ഫാം ടൂറിസം തുടങ്ങിയ നിരവധി മേഖലയിലേക്കാണ് വ്യാപിച്ചത്. 90-ലധികം രാജ്യങ്ങളിൽ നിന്നുള്ള അനുഭവങ്ങളിലൂടെ ലഭിച്ച ആഗോളചിന്ത, ഇന്ത്യയിലേയും കേരളത്തിലേയും വ്യാപാരസാധ്യതകളുടെ ദിശകളെ നിർണ്ണയിച്ചു. അൽ സഫീന ട്രാവൽ ആൻഡ് ടൂറിസത്തിന് ഇന്ന് യുഎഇയിലും ഇന്ത്യയിലും നിരവധി ശാഖകളുണ്ട്. എന്നാൽ ഡോ. ജോളിയുടെ ദാർശ്ശനികത ടിക്കറ്റിംഗിനും ടൂർ പാക്കേജുകൾക്കുമപ്പുറത്തേക്ക് വ്യാപിച്ചു. ഏകദേശം 90 രാജ്യങ്ങളിലേക്ക് യാത്ര ചെയ്ത് നേടിയ ജ്ഞാനത്തിലൂടെ, യാത്രയും ആതിഥ്യമര്യാദയും വേർതിരിക്കാനാവാത്തതാണെന്ന് അദ്ദേഹം മനസ്സിലാക്കി. ആ തിരിച്ചറിവ് വലിയ വിജയത്തിന് വിത്ത് പാകി.

ദൈവത്തിന്റെ സ്വന്തം നാട്ടിൽ ആതിഥ്യമര്യാദയെ പുനർവിചിന്തനം ചെയ്യുന്നു

ഡോ. ജോളി കേരളത്തിലേക്ക് ശ്രദ്ധ തിരിച്ചപ്പോൾ, അദ്ദേഹം അത് ഒരു വ്യാവസായിക സാധ്യതയായി കണ്ടു. അങ്ങനെ 2014 ൽ മൂന്നാറിലെ ദി ഫോഗ് റിസോർട്ട് & സ്പായിലൂടെ കേരളത്തിലെ ഹോസ്പിറ്റാലിറ്റി രംഗത്ത് ആഡംബരവും വ്യക്തിപരമായ അനുഭവവുമുള്ള പുതിയ സ്റ്റാൻഡേർഡ് അദ്ദേഹം പ്രാവർത്തികമാക്കി. ഈ സംരംഭത്തിന്റെ വിജയം അദ്ദേഹത്തെ വൈബ് മൂന്നാർ റിസോർട്ട് & സ്പാ എന്ന ഒരു സ്വകാര്യ ലിമിറ്റഡ് കമ്പനി സൃഷ്ടിക്കുന്നതിലേക്ക് നയിച്ചു. 97 മുറികൾ, സ്വകാര്യ പൂൾ വില്ലകൾ, ജാക്കുസി സ്യൂട്ടുകൾ, ഡീലക്സ് മുറികൾ, ഏറ്റവും വലിയ റൂഫ് ടോപ്പ് പൂൾ, വൈബ് വെൽനസ് എന്ന 6000 ചതുരശ്ര അടി സ്പാ എന്നിവ ഉൾക്കൊള്ളുന്ന സ്വന്തം ഹെലിപാഡുള്ള ഈ ഫൈവ് സ്റ്റാർ ഡീലക്സ് പ്രോപ്പർട്ടി, ഉന്നതിയിലേക്ക് നീങ്ങുന്നവർക്കും മികച്ച ജീവിതത്തിൽ വിശ്വസിക്കുന്നവർക്കും ജീവിതത്തിൽ ഒരിക്കൽ മാത്രം ലഭിക്കുന്ന അനുഭവങ്ങൾ നൽകാനുള്ള അദ്ദേഹത്തിന്റെ പ്രതിബദ്ധതയുടെ പ്രതീകമാണിത്.