ചുണ്ടുകളിലെ കരുവാളിപ്പ് മാറ്റാനുള്ള പ്രകൃതിദത്തമാർഗ്ഗങ്ങൾ

ആന്റിഓക്സിഡന്റുകളാൽ സമ്പുഷ്ടമായ തേൻ സൗന്ദര്യസംരക്ഷണത്തിന് മികച്ചതാണ്

- ഡോ. എലിസബത്ത് ചാക്കോ, MD-കൽപ്പനാസ് ഇന്റർനാഷണൽ

തൊണ്ടി പഴം പോലുള്ള ചുണ്ടുകൾ എന്നൊക്കെ നാം കേട്ടുകാണും. സൗന്ദര്യത്തിന് ചുണ്ടുകൾ പ്രധാന ഘടകങ്ങളാണ്. മൃദുവായ, ചുവന്ന ചുണ്ടുകൾ ആഗ്രഹിക്കാത്തവരായി ആരാണുള്ളത്? ചുണ്ടുകളുടെ സംരക്ഷണം അത്ര എളുപ്പമുള്ള കാര്യമല്ല. ശരീരത്തിലെ മറ്റേതൊരു ചർമ്മഭാഗങ്ങളിൽ നിന്നും വ്യത്യസ്തമാണ് ചുണ്ടുകളുടെ കാര്യം. ചുണ്ടുകൾ വളരെ ലോലമാണ്. പലപ്പോഴും ചുണ്ടുകളുടെ നിറം മങ്ങുന്നതിന്റെ പ്രധാന കാരണം പരിപാലനക്കുറവും തെറ്റായ ഭക്ഷണക്രമവുമൊക്കെയാണ്. കരിവാളിപ്പകറ്റി ചുണ്ടുകൾക്ക് നല്ല നിറം ലഭിക്കുന്നതിന് സഹായിക്കുന്ന ചിലസ്വാഭാവികമാർഗ്ഗങ്ങൾ എന്തെന്ന് നോക്കാം.

നാരങ്ങ

പൊതുവേ ബ്ലീച്ചിംഗ് ഇഫക്ടുള്ള ഒന്നാണ് നാരങ്ങ. ഇതിലെ വൈറ്റമിൻ സി ചർമ്മത്തിന് പല ഗുണങ്ങളും നല്കുന്ന ഒന്നാണ്. ചുണ്ടുകൾക്കും ഇത് പ്രശ്നങ്ങളില്ലാതെ ബ്ലീച്ചീംഗ് ഇഫക്ട് നല്കുന്നതോടൊപ്പം മൃതകോശങ്ങൾ അകറ്റി ചുണ്ടുകൾക്ക് മാർദ്ദവം നല്കാൻ സഹായിക്കുകയും ചെയ്യുന്നു. പഞ്ചസാര നല്ലൊരു സ്ക്രബറാണ്. കെമിക്കലുകളുടെ ദോഷമില്ലാതെ മൃതകോശങ്ങളെ അകറ്റാൻ പഞ്ചസാര വളരെ നല്ലതാണ്.

തക്കാളി