മദ്യപാനം മാത്രമല്ല അറിയാതെ കരളിനെ കൊല്ലുന്ന ശീലങ്ങൾ ഇവയും

ഓട്ടോ ഇമ്മ്യൂൺ രോഗങ്ങളുള്ളവരിൽ അത് കാലക്രമേണ കരളിന്റെ പ്രവർത്ത നങ്ങളെ ബാധിച്ചേക്കാം. പലപ്പോഴും നിങ്ങളുടെ രോഗപ്രതിരോധ സംവിധാനം കരളിലെ കോശങ്ങളെ തന്നെ പ്രതിസന്ധിയിലാക്കുകയും അത് കരൾ രോഗം മറ്റ് കേടുപാടുകൾ എന്നിവയിലേക്ക് എത്തിക്കുകയും ചെയ്യുന്നു. ഇത്തരം കാ ര്യങ്ങൾ തുടക്കത്തിലേ മനസ്സിലാക്കി ചികിത്സിച്ചില്ലെങ്കിൽ അത് ഗുരുതരമായ പ്രത്യാഘാതം ഉണ്ടാക്കുന്നു.

- ഡോ. ഷിബില കെ BAMS. MS (Ayu)

കരൾ രോഗികളുടെ എണ്ണം വർദ്ധിച്ചുകൊണ്ടിരിക്കുന്ന ഈ കാലഘട്ടത്തിൽ മദ്യപാനം മാത്രമാണ് അതിനുള്ള കാരണം എന്ന തെറ്റിദ്ധാരണ ഒഴിവാക്കേണ്ടത് വളരെ അത്യാവശ്യമാണ്. കരളിന് സംഭവിക്കുന്ന തകരാറുകൾ ഏറ്റവും ഗുരുതരമായ രോഗാവസ്ഥകളിൽ ഒന്നാണ് എന്ന കാര്യത്തിൽ സംശയം വേണ്ട. അത് മാത്രമല്ല കൃത്യമായ സമയത്ത് കണ്ടെത്തി ചികിൽസിച്ചില്ലെങ്കിൽ അത് കൂടുതൽ ഗുരുതരവും സങ്കീർണ്ണവുമായ അവസ്ഥകളിലേക്കും ചിലപ്പോൾ മരണത്തിലേക്കും കൊണ്ടു ചെന്നെത്തിച്ചേക്കാം. അത്രയധികം ഗുരുതര പ്രത്യാഘാതങ്ങളാണ് കരൾ രോഗങ്ങൾ കൊണ്ടുണ്ടാകുന്നത്.

എന്നാൽ പലപ്പോഴും പ്രകടമായ ലക്ഷണങ്ങൾ ഇല്ലാതെ തന്നെ രോഗാവസ്ഥ നിങ്ങളെ പിടികൂടാം. ഇത്തരം അവസ്ഥകൾ എന്തൊക്കെയാണെന്നും അറിഞ്ഞിരിക്കണം. മദ്യത്തിന്റെ ഉപയോഗം തന്നെയാണ് രോഗാവസ്ഥകളെ പലപ്പോഴും വഷളാക്കുന്നത്. ഇത് അറിയപ്പെടുന്ന കാരണമാണെങ്കിലും അറിയപ്പെടാത്ത ചില കാരണങ്ങളും രോഗാവസ്ഥകളെ ഗുരുതരമാക്കുന്നുണ്ട്. അത് എന്തൊക്കെയെന്നതിനെക്കുറിച്ച് നമുക്ക് നോക്കാം.

അമിതമായ പഞ്ചസാരയുടെ ഉപയോഗം