അമിതവണ്ണം (ഒബിസിറ്റി) മൂലമുണ്ടാകുന്ന രോഗങ്ങൾ

ശരീരത്തിന്റെ വിവിധ ഭാഗങ്ങളിലുള്ള വേദനകളും നീർവീക്കവും ഇൻസുലിൻ റെസിസ്റ്റൻസ് വർദ്ധിപ്പിക്കുന്നു. വയറിനുള്ളിലെയും തൊലിക്കടിയിലുമുള്ള കൊഴുപ്പിൽ നിന്നും അമിതമായി ഉല്പാദിപ്പിക്കപ്പെടുന്ന ഹോർമോണുകൾ, ഇൻസുലിൻ റെസിസ്റ്റൻസ് വർദ്ധിപ്പിക്കുകയും രക്തത്തിലെ ഗ്ലൂക്കോസിന്റെ അളവ് ഉയർത്തുകയും ഡയബറ്റിസ് മെലിറ്റസ് എന്ന അവസ്ഥയിലേക്ക് എത്തിക്കുകയും ചെയ്യുന്നു.

- 

അമിതവണ്ണക്കാരിൽ ഹൃദയത്തിൽ നിന്നും പുറന്തള്ളപ്പെടുന്ന രക്തം (കാർഡിയാക് ഔട്ട്പുട്ട് ) നിശ്ചിത അളവിലും കൂടുതലായിരിക്കും. ഈ രക്തം ഉൾക്കൊള്ളേണ്ട ശ്വാസ കോശത്തിന് വേണ്ടത്ര വികസിക്കാൻ അമിതവണ്ണം ഒരു തടസ്സമാകുന്നു. ഉറക്കത്തിൽ ശ്വാസതടസ്സം ഉണ്ടാകുന്ന അപകടകരമായ ഒരു അവസ്ഥയാണ് ബ്രസ്റ്റക്റ്റീവ് സ്ലീപ് അപ്നിയ. പൊണ്ണത്തടിയുള്ളവരിൽ നിരന്തരം കാണുന്ന ആരോഗ്യപ്രശ്നങ്ങളാണ് ശ്വാസകോശ സംബന്ധമായ അസുഖങ്ങൾ, ശ്വാസ തടസ്സം, നിരന്തരമായ കഫക്കെട്ട്, വിട്ടു മാറാത്ത ചുമ എന്നിവ.

വയറിനുള്ളിലും ആമാശയഭിത്തികളിലും അടിയുന്ന കൊഴുപ്പ് ഡിസ്പെപ്സിയ അഥവാ ഭക്ഷണത്തിനു ശേഷമുള്ള വിമ്മിഷ്ടത്തിന് കാരണമാകുന്നു. ആമാശയ ഭിത്തിയിലും കുടലിന്റെ ബാഹ്യഭാഗത്തും അടിയുന്ന അമിതമായ കൊഴുപ്പ് കാരണം ആമാശയത്തിന് വേണ്ടവിധത്തിൽ വികസിക്കാനാകില്ല. അതുകൊണ്ടുതന്നെ ചെറിയ അളവിൽ ഭക്ഷണം കഴിക്കുന്നതു പോലും ബുദ്ധിമുട്ട് ഉണ്ടാക്കുന്നു. കുടലിന്റെ ചലനം അഥവാ പെറിസ്റ്റാൽസിസ് കുറയുന്നതിനാൽ ഭക്ഷണത്തിന്റെ മുൻപോട്ടുള്ള നീക്കത്തിന് തടസ്സം നേരിടുകയും ഇത് മലബന്ധത്തിന് കാരണമാകുന്നു.

തൊലിക്കടിയിൽ അമിതമായ കൊഴുപ്പടിഞ്ഞ് തൊലിക്കുണ്ടാകുന്ന മടക്കുകൾ ഫംഗൽ ഇൻഫെക്ഷന് കാരണമാകുന്നു.

അമിതഭാരം ശരീരത്തിലെ സന്ധികളെ കാര്യമായി ബാധിക്കുന്നു.

കാൽമുട്ട് വേദന, ഇടുപ്പ് വേദന, അസ്ഥികളുടെ തേയ്മാനം, നട്ടെല്ലിന്റെ ഡിസ്കുകളുടെ സ്ഥാനചലനം തുടങ്ങിയ രോഗങ്ങളിലേയ്ക്ക് നയിക്കുന്നു. നിരന്തരമായ നടുവു വേദനയാണ് മറ്റൊരു പ്രധാന പ്രശ്നം.

ശരീരത്തിന്റെ വിവിധ ഭാഗങ്ങളിലുള്ള വേദനകളും നീർവീക്കവും ഇൻസുലിൻ റെസിസ്റ്റൻസ് വർദ്ധിപ്പിക്കുന്നു. വയറിനുള്ളിലെയും തൊലിക്കടിയിലുമുള്ള കൊഴുപ്പിൽ നിന്നും അമിതമായി ഉല്പാദിപ്പിക്കപ്പെടുന്ന ഹോർമോണുകൾ, ഇൻസുലിൻ റെസിസ്റ്റൻസ് വർദ്ധിപ്പിക്കുകയും രക്തത്തിലെ ഗ്ലൂക്കോസിന്റെ അളവ് ഉയർത്തുകയും ഡയബറ്റിസ് മെലിറ്റസ് എന്ന അവസ്ഥയിലേക്ക് എത്തിക്കുകയും ചെയ്യുന്നു.