മടി മാറ്റും വിദ്യ

ഉണ്ണിയപ്പുപ്പന്റെ വീട്ടിലെ പണിക്കാരായിരുന്നു ചിണ്ടനും ചിരുതനും. ഉണ്ണിയപ്പൂപ്പൻ പറയുന്ന ഏതു ജോലിയും സന്തോഷത്തോടെ ചിണ്ടൻ ചെയ്യും. എന്നാൽ ചിരുതനോ... എപ്പോഴും മടി പിടിച്ചിരിക്കാനാണ് ഇഷ്ടം. ചിരുതൻ തന്റെ ജോലി കൂടി എന്തങ്കിലും കള്ളം പറഞ്ഞു ചിണ്ടനെക്കൊണ്ട് ചെയ്യിക്കും. കുറച്ചുനാൾ കഴിഞ്ഞപ്പോൾ ഉണ്ണിയപ്പുപ്പനു ചിരുതന്റെ കള്ളത്തരം മനസ്സിലായി.

- 

“ചിരുതനെ ഇങ്ങനെ വിട്ടാൽ ശരിയാവില്ല.” ഉണ്ണിയപ്പൂപ്പൻ ചിന്തിച്ചു.

അങ്ങനെയിരിക്ക നെല്ലിനു വളമിടേണ്ട സമയമായി. ഉണ്ണിയപ്പൂപ്പൻ ആ ജോലി ചിണ്ടനെയും ചിരുതനെയും ഏൽപിച്ചു.

“എനിക്കു വല്ലാത്ത ക്ഷീണം. ഇന്നു നീ തനിച്ചു വളമിട്ടാൽ മതി.” പതിവു പോലെ ചിരുതൻ തന്റെ ജോലി ചിണ്ടനെ ഏൽപിച്ചു. എന്നിട്ട് മുറിയിൽ കിടന്നുറക്കമായി.