பகை ஒழிக்கும் திருநாள்!

தேவர்களின் இடர் களைய, பனித்தலை முடித்த விரிசடைக் கடவுளாம் சிவபெருமானின் நெற்றிக் கண்ணிலிருந்து அனல் பிழம்பாகத் தோன்றி, வாயு பகவானின் தாலாட்டில் மகிழ்ந்து, ஆகாய வெளியில் நீந்தி, சரவணப் பொய்கை எனும் நீரில் ஆவிர்பவித்து, சூரனை வதைக்க, பூமியில் பஞ்சபூத சொரூபமாக அவதரித்ததுதான் திருமுருக அவதாரம். இது நிகழ்ந்தது வைகாசி விசாகத் திருநாள்.

- எம்.கோதண்டபாணி

எந்த சக்தியாலும் தமக்கு மரணம் சம்பவிக்கக் கூடாது எனும் வரம் பெற்றிருந்த சூரபத்மன் தமது சகோதரர்களுடன் சேர்ந்து தேவர்களை இன்னலுக்கு உள்ளாக்கி வந்தான். துயரத்துக்குள்ளான தேவர்கள் சிவபெருமானிடம் முறையிட, அவர்கள் மீது இரக்கம் கொண்ட ஈசன், தமது நெற்றிக்கண்ணிலிருந்து அக்னி ஜுவாலைகளைத் தோற்றுவித்தார். அவை சரவணப்பொய்கையில் ஆற