സ്വർണത്തിൽ ഡിജിറ്റൽ നിക്ഷേപത്തിന് 4 പദ്ധതികൾ

വിലയിലെ ചാഞ്ചാട്ടങ്ങൾക്കിടയിലും ഉറപ്പും മൂല്യവുമുള്ള നിക്ഷേപങ്ങളുടെ പട്ടികയിൽ സ്വർണത്തിനു മങ്ങലേറ്റിട്ടില്ല. അതുകൊണ്ടു തന്നെ നിക്ഷേപകരും ഏറെയുണ്ട്. നേരിട്ടല്ലാതെ, ഡിജിറ്റൽ മാർഗത്തിലൂടെ സ്വർണനിക്ഷേപത്തിനു സഹായിക്കുന്ന ഏതാനും പദ്ധതികൾ.

- ഉത്തര രാമകൃഷ്ണൻ

സ്വർണം ഒരു നല്ല നിക്ഷേപമാണെന്ന് മലയാളികൾക്ക് ആരും പറഞ്ഞു കൊടുക്കേണ്ട കാര്യമില്ല. രാജ്യത്ത് സ്വർണ വിലയിൽ ഉണ്ടാകുന്ന വളർച്ച പരിഗണിക്കുമ്പോൾ അത് നമ്മുടെ നിക്ഷേപപട്ടികയിൽ ഉൾപ്പെടുത്തേണ്ടതു തന്നെയാണ്. മൊത്തം ആസ്തിയുടെ 5 മുതൽ 10% വരെ സ്വർണത്തിൽ നിക്ഷേപിക്കുന്നതാകും ഉചിതം.