Tani malayali

സോഷ്യൽ മീഡിയ താരം ഐശ്വര്യനാഥിന്റെ തനി മലയാളി വിശേഷങ്ങൾ

- ശ്രുതി എടശ്ശേരിപറമ്പിൽ

മലപ്പുറം ജില്ലയിലെ സാധാരണ കുടുംബത്തിലാണ് ഞാൻ ജനിച്ചത്. ടിക്ടോക്, റീലുകൾ എന്നതൊക്കെ എന്താണെന്നൊന്നും കൃത്യമായ ധാരണയൊന്നും അച്ഛനും അമ്മയ്ക്കും ഉണ്ടായിരുന്നില്ല. സാമ്പത്തിക ഭദ്രത നൽകുന്ന ഫുൾടൈം പ്രഫഷനാക്കാവുന്ന മേഖലയാണിതെന്നൊക്കെ അവർക്കു പിന്നീടാണു മനസ്സിലാകുന്നത്. ഭർത്താവ് വിഷ്ണുവാണ് എന്റെ സ്വപ്നങ്ങൾക്കു കൂടുതൽ സപ്പോർട്ട് തന്നിരുന്നത്. ആദ്യത്തെ വെഡിങ് ആനിവേഴ്സറിക്കു വി ഷ്ണു സമ്മാനിച്ച ഐഫോണിൽ നിന്നാണ് എന്റെ ബ്ലോഗിങ് ജീവിതം തുടങ്ങുന്നത്. ഭർത്താവും മകനും മാതാപിതാക്കളും അടങ്ങുന്ന കുടുംബത്തിന്റെ പൂർണ പിന്തുണയുണ്ട്. അതു തന്നെയാണു ശക്തിയും.

കണ്ടന്റ് ക്രിയേഷൻ തുടങ്ങുന്ന സമയത്തു വ്യത്യസ്തമായ പേരു വേണമെന്നു തോന്നി. ആ പേരിനു മലയാളിച്ചുവ വേണമെന്ന ആഗ്രഹം കൂടി ഉണ്ടായിരുന്നു. അങ്ങനെ പല പേരുകൾ ട്രൈ ചെയ്തു നോക്കിയ ശേഷം മാനസികമായി അടുപ്പം തോന്നിയ പേരായിരുന്നു "തനി മലയാളി എന്നത്. ആ പേര് ഹിറ്റായി.