നിങ്ങൾ വിഷാദരോഗത്തിലൂടെ കടന്നുപോകുകയാണോ?

വിഷാദരോഗത്തിലൂടെ കടന്നുപോകുന്ന നല്ലൊരു ശതമാനം ആളുകൾക്കും അവരുടെ അവസ്ഥയെപ്പറ്റി ശരിയായ ബോധ്യം ഇല്ല എന്നതാണ് യാഥാർത്ഥ്യം.

- പ്രിയ വർഗ്ഗീസ്

വിഷാദരോഗം ഏത് പ്രായക്കാരെയും, ഏത് സാമ്പത്തിക നിലയിലുള്ളവരെയും, സ്ത്രീയോ പുരുഷനോ എന്ന വ്യത്യാസമില്ലാതെ ആർക്കും വരാൻ സാദ്ധ്യതയുള്ള ഒരവസ്ഥയാണ്. വിഷാദ രോഗം ആഗോളതലത്തിൽത്തന്നെ ബാധിക്കപ്പെട്ടിരിക്കുന്ന ഒരു വലിയ പ്രശ്നമാണ്. ഏറ്റവും കൂടുതൽ ആളുകളിൽ കണ്ടുവരുന്ന മാനസിക പ്രശ്ന ങ്ങളിലൊന്ന് വിഷാദരോഗമാണ്. 2015-2016 കാലയളവിലെ കണക്കുകൾ പ്രകാരം ഇന്ത്യയിൽ 18 വയ സ്സിനുമുകളിലുള്ള ആളുകളിൽ ഇരുപത് പേരിൽ ഒരാൾക്ക് വിഷാദരോഗം ഉണ്ടെന്നാണ്. വിഷാദ രോഗം ലോകം മുഴുവൻ എല്ലാ പ്രായക്കാരിലും കൂടിവരുന്നു എന്നാണ് കണക്കുകൾ തെളിയിക്കുന്നത്. ചെറുപ്പക്കാർ മരണപ്പെടുന്നതിന്റെ ഒന്നാമത്തെ കാരണം അപ്രതീക്ഷിതമായ അപകടങ്ങളാ ണെങ്കിൽ മരണങ്ങളുടെ രണ്ടാമത്തെ കാരണം നിരാശ മൂലമുള്ള ആത്മഹത്യകളാണ്. പുരുഷന്മാ രെക്കാൾ സ്ത്രീകളിൽ വിഷാദരോഗത്തിന് സാദ്ധ്യത കൂടുതലാണ്.

ജീവിതസാഹചര്യങ്ങളിൽ പെട്ടെന്നുണ്ടാകുന്ന മാറ്റങ്ങൾ, പ്രിയപ്പെട്ടവരുടെ വിയോഗം, സാഹചര്യ ങ്ങളുമായി പൊരുത്തപ്പെട്ടു പോകാൻ കഴിയാതെ വരിക, പാരമ്പര്യം, ചൂഷണത്തിന് ഇരയാകുക, ബന്ധം വേർപിരിയുക, കുടുംബപ്രശ്നങ്ങൾ, സാമ്പത്തിക ബുദ്ധിമുട്ട്, പരീക്ഷയിൽ തോൽവി നേരിടുക ഇങ്ങനെ നിരവധി കാര്യങ്ങൾ വിഷാദ രോഗത്തിന് കാരണമായേക്കാം.