களைக்கொல்லி: நச்சாகிறதா நிலத்தடி நீர்!.

விவசாயம் நம் நாட்டின் முதுகெலும்பு. ஆனால் இன்று பல்வேறு பிரச்னைகளால் விவசாயிகள் தவித்து வருகிறார்கள். பயிர்களை சாகுபடி செய்து மகசூல் எடுக்கும் வரை போராட்டம்தான்.

- -எஸ்.ரவீந்திரன்

அப்படி செய்தும் உழைப்பின் பலனை அறுவடை செய்ய முடியவில்லை. இதற்கு பல்வேறு காரணங்கள் உள்ளன. முதலில் நீர் பிரச்சனை, அடுத்தது பயிர்களைத் தாக்கும் பூச்சிகள், நோய்களை கூறலாம். இயற்கை பேரிடர் ஒருபுறம் பாதிப்பை தருகிறது. இந்த நிலையில் பயிர்களைப் பாதுகாக்க உரங்கள், களைக்கொல்லிகள் பயன்படுத்தப்படுகின்றன.

களைக்கொல்லிகள் திரவ, தூள் வடிவங்களில் வருகின்றன. அவற்றை மண் அல்லது தாவரங்களில் தெளிக்கலாம். அல்லது நேரடியாகப் பயன்படுத்தலாம்.

ஆனால் சமீப காலமாக இந்த பயன் பாடு ஆபத்தை தருவதாக புகார்கள் எழுந்துள்ளன.

காற்றில் பரவி பாதிப்பை உண்டாக்குவது முதல் பயிர்களை வளர்ப்பதற்கு பதில் அழிவை தருகிறது என விவசாயிகள் கூறி வருகிறார்கள். எனவேதான் அந்த காலத்தில் நம் முன்னோர் இயற்கை உரங்கள், பூச்சி மருந்துகளை பயன்படுத்தி வந்தனர். குறிப்பாக வேம்பு, சாணம் உள்ளிட்ட இயற்கை உரங்கள் பயிர்களைப் பாதுகாக்கின்றன.