புரிஞ்சிக்க முடியாத கேரக்டரில் நடிக்கணும்!

முழுக்க முழுக்க பாலிவுட்டிலேயே செட்டில் ஆகி கவர்ச்சி சோலோ டான்ஸ், கன்டன்ட் உள்ள வெப் சீரிஸ் என பிஸியாக இருக்கிறார் தமன்னா. லவ் பிரேக் ஆன பிறகு இன்னும் சோஷியல் மீடியாவில் படு ஆக்டிவாக இருக்கும் தமன்னா, கிளாமர் புகைப்படங்களை ட்வீட்டி ரசிகர்களை கிக்கேற்றி வருகிறார். அவருடன் ஒரு அழகான சிட்சாட்.

- -தவா

உங்க தனிப்பட்ட வாழ்க்கை விமர்சனங்களை எப்படி எதிர்கொள்ளுறீங்க?

தனிப்பட்ட சிலரின் கருத்துக்களை மட்டும் நான் கேட்க மாட்டேன், நான் எல்லாரோட கருத்தையும் காது கொடுத்து கேட்பேன். ஆனா எனக்கு எது சரின்னு படுதோ அதை மட்டும் செய்வேன். என்னைப் பற்றி யார் என்ன சொன்னாங்கன்னு எனக்கு நல்லாவே தெரிஞ்சிடும்.

ஆனா, தவறான நோக்கத்தோட அவங்க சொல்ற கருத்து பற்றி நான் சொல்ல எதுவும் இல்ல. என்னைப் பற்றி அவங்க எண்ணத்தை நான் மாற்ற வேண்டிய அவசியமும் இல்லை. என்னோட வாழ்க்கையை நான் அனுபவிச்சு வாழுறேன், அவ்ளோ தான்.

எப்போவும் நம்மை அழகா காட்டிக்கணுமேன்னு அழுத்தம் இருக்கா?

நான் ரொம்ப அழகுன்னு எப்போவும் நினைச்சது கிடையாது. என்னை விட நிறைய பெண்கள் அழகா இருக்காங்க. என் உடையை வச்சு மட்டும் என்னோட அழகை அளவிட முடியாது. உறுதியான மனநிலையோட என்னை எப்படி பிரசன்ட் பண்றேங்குறதுல தான் அழகு இருக்கு. அது மிகப்பெரிய பயணம் மாதிரி.

நான் 15 வயதில் இருந்தே சினிமாவில் நடிச்சிட்டு இருக்கேன். என்னைப் பொறுத்த வரை அழகு எனக்குள்ள பெரிய தன்னம்பிக்கையை கொடுத்திருக்கு. நாம எந்த டிரஸ் போட்டுகிட்டா அழகா இருப்போம்'ன்னு நிறைய பேர் சொல்லுவாங்க. ஆனா நாம ஒரு விஷயத்தில் அழகை உணர்ந்தால் மட்டும் அது இன்னும் அழகா மிளிரும். அழகு நம்ம மனசுக்குள்ள தான் இருக்கு.

அழகை எப்படி பராமரிக்குறீங்க?