வேற்று கிரகத்தில் உயிரினம்?

பூமியில் மனிதர்கள், உயிரினங்கள் வசித்து வரும் நிலையில் வேறு கிரகங்களிலும் உயிரினங்கள் வாழ்கிறதா என்ற பொதுவான கேள்வி அவ்வப்போது எழுகிறது. இதன் தொடர்ச்சியாக விண்வெளி குறித்து விஞ்ஞானிகள் தொடர்ந்து ஆய்வு மேற்கொண்டு வருகிறார்கள்.

- எஸ்.ரவீந்திரன்

பால்வெளி அண்டத்தில் சூரியனைப் போன்றே பில்லியன் கணக்கான நட்சத்திரங்கள் உள்ளன. சூரியனிலிருந்து பிரிந்து உயிர்வாழ்வதற்கு ஏற்றதாக பூமி எப்படி உருவானதோ அதே போன்று இந்த நட்சத்திரங்களும் தங்களுக்கென ஒரு பூமியைக் கொண்டிருக்க வாய்ப்பு உள்ளது என விஞ்ஞானிகள் மதிப்பிடுகின்றனர்.

நிலவில் மனிதர்கள் குடியேற்றம், செவ்வாய் கிரக ஆராய்ச்சி என தொடர்ந்து புதிது புதிதாக தகவல்கள் வெளியாகி வருகின்றன.

இதையெல்லாம் தாண்டி ஏலியன்ஸ் எனப்படும் புவிக்கு வெளியே இருந்து வரும் வேற்றுலக உயிரி, புவியின் உயிரியல் அமைப்புக்கு அப்பாற்பட்டதாக இருக்கலாம் என்று நீண்டகாலமாகவே தகவல்கள் வெளியாகி வருகின்றன. சிறிய பாக்டீரியாவிலிருந்து

மனிதனைப் போல அல்லது பெரிய உயிரினமாக கூட இருக்கலாம் ... என நம்புகின்றனர், ஆனால் முழுமையான சான்றுகள் இல்லை என்பதே உண்மை. இப்படிப்பட்ட சூழலில்தான் கே2-18பி என்ற தொலைதூர கிரகத்தில் உயிரினங்கள் இருப்பதற்கான அறிகுறிகளை கேம்பிரிட்ஜ் பல்கலைக்கழக விஞ்ஞானிகள் இப்போது கண்டுபிடித்துள்ளனர்.