ஸ்மார்ட்போன்...அடிமையாகும் முதியவர்கள்!

குழந்தைகள் முதல் பெரியவர்கள் வரை மொபைல் போன் பயன்பாடு தற்போது அதிகரித்து விட்டது.

- ரவீந்திரன்

குறிப்பாக இளைஞர்கள், குழந்தைகள் மொபைல் போனுக்கு அடிமை ஆவதால் ஏற்படும் பிரச்சினைகள் அதிகரித்துக் கொண்டு இருக்கிறது.

வெறுமனே தகவல் தொடர்பு சாதனமாக அறிமுகமான மொபைல் போன் இன்று படம் எடுப்பது முதல் பல் விளக்குவதை வீடியோ எடுப்பது வரை, அவசியமில்லாவற்றை அவசியமாக்கிவிட்டது.சாதனையை நிகழ்த்தியுள்ளது.

தொழில்நுட்பம் பல நல்ல வழிகளில் உதவினாலும் பயன்படுத்துவோர் அபத்தான கட்டத்திற்கு எடுத்துச் செல்வதே பெரிய விபரீதத்திற்கு வழிவகை செய்கிறது.

குழந்தைகள் ஆன்லைன் விளையாட்டு மற்றும் டிவி, மொபைல் போனில் அதிக நேரம் கழிப்பதால் அவர்களின் கல்வித்திறன் குறைகிறது, அவர்களின் தனிப்பட்ட குணநலன்களும் மாறுபடுவதாக ஆய்வுகள் கூறுகின்றன.

இதனால் குழந்தைகளுக்கு/பதின் வயதினருக்கு மூளைச் செயல்திறன் குறையும் 'பிரெயின் ராட்' என்ற பிரச்சினை ஏற்படுகிறது. பிரெயின் ராட் என்பது நரம்பியல் குறைபாடு அல்ல, ஒருவகையான போதைக்கு அடிமையாவது.

இது குறித்து குழந்தைகளுக்கான நரம்பியல் நிபுணர்கள் கூறியதாவது:-

'பிரெயின் ராட்' எனும் மூளை செயல்திறன் குறைவு என்பது சிந்தனையற்ற மனத்தேக்க நிலை. மூளையின் தூண்டுதல் அல்லது சரியான மூளைப் பயன்பாடு இல்லாததால் செயல்திறன் குறைவு விளைவுகள் ஏற்படுத்துகிறது.

இதனால், கவனம் செலுத்தும் திறன், கற்றல் திறன் உள்ளிட்டவை குறையும்.

மேலும், குழந்தைகள் சமூக ஊடகங்களில் தரம்குறைந்த, உண்மையல்லாத விடியோக்களை இரண்டு மணி நேரத்திற்கு மேல் பார்ப்பது அவர்களின் அறிவாற்றல், படைப்பாற்றலை தடுக்கிறது.