அவள் என் தேவதை!

மோகன் தாஸின் அலுவலக முகவரிக்கு கொரியரில் வந்திருந்த அந்த வெ ண்ணிறக் கவரை அட்டெண்டர் முருகன் கொண்டு வந்து தர, நெற்றியைச் சுருக்கிக் -கொண்டே வாங்கினான்.

- முகில் தினகரன்

அனுப்பியவர் யாரோ? என்று தெரிந்து கொள்ளும் ஆவலில் அவசரமாய்க் கவரின் பின்புறம் திருப்பிப் பார்த்தான்.

சுதந்திரா என்னும் பெயரை வாசித்ததும் அவனது மொத்த உடலும் மெலிதாய் அதிர்ந்தது.

நடுங்கும் விரல்களால் கவரைப் பிரித்தான். அதனுள்ளே என்ன இருக்கும்? என்கிற ஆர்வத்தை விட, அதனுள்ளே என்ன அணுகுண்டு இருக்குமோ? என்கிற அச்சம்தான் அவன் உள்ளமெங்கும் வியாபித்துக் கிடந்தது.

கவருக்குள் ஒரு திருமண அழைப்பிதழ்.

நிதானமாய் அந்தத் திருமண அழைப்பிதழை விரித்து உள்ளே பார்த்தான்.

அவன் எதிர்பார்த்தது போலவே அது சுதந்திராவின் திருமண அழைப்பிதழேதான்.

மணமகன் பெயரையோ?... திருமணம் நடைபெறவிருக்கும் நாளையோ?... மண்டபத்தின் பெயரையோ? வாசிக்கும் மனநிலை இல்லாத காரணத்தால் உடனே அதை மூடி, மீண்டும் அந்த வெண்ணிறக் கவருக்குள் திணித்து, மேஜையின் மூன்றாவது டிராயருக்குள் எறிந்தான்.