வன வாழ்க்கை வாழ உருவான நகரம்!

மனிதர்கள் வனத்தை அழித்துத்தான் நகரம் அமைத்தனர். நகர வாழ்வில் மருவ மாற்றத்தின் கொடுமையை அனுபவித்தனர். அதனால் மீண்டும் வனவாசம் செல்லத் துடித்தனர். ஆனால், இருக்கும் வசதிகளை இழந்துவிட்டு எளிய வாழ்க்கை வாழ மனம் இடம் கொடுக்கவில்லை. எனவே, வனநகரங்களை அமைப்பது பற்றி ஆலோசித்தனர்.

- பரிதி

அதன் ஒரு வடிவமைப்பு தான் சீனாவின் குவாங்சி மலைப் பகுதியில் உள்ள லியுசோ வன நகரம். ஸ்டெஃபனோ போரி ஆர்ச்சி டெட்டி என்ற கட்டுமான நிறுவனத்தால் 175 ஹெக்டேர் நிலத்தில் இந்த வன நகரம் வடிவமைக்கப்பட்டுள்ளது. மரங்கள்,தாவரங்கள் சூழ, செங்குத்தாக கட்டப்படும் இந்த நகரம் 30,000 பேருக்கு இடமளிக்கும்.

ஒவ்வொரு ஆண்டும் 14 மில்லியன் மக்கள் நகரங்களுக்கு இடம்பெயர்ந்து வருவதால், சீனா மிக மோசமான நகரமயமாக்கலை கொண்டுள்ளது. எனவே, நகர மாசு அற்ற, ஆனால் நகரின் வசதிகளை கொண்ட ஒரு கட்டமைப்பு தேவைப்பட்டது. அந்த வகையில் இந்த வன நகரம், சுற்றுச்சூழல் மாசுபாட்டை எதிர்த்துப் போராடுவதற்காக தொடங்கப்பட்ட திட்டமாகும்.